Pabui quay lac pandap mbang di urang Tày, Nùng, min meng ilamu karei di bhap bini xứ Lạng hu ngak ka pandap mbang di labik ini dane angan. Lạng Sơn hu labaih 300 lễ hội bhap bini praong sit meng bilan sa tal bilan pak tui saka ia bulan, min oh hu lễ hội halei kurang hu pabui quay dauk dalam talam paling yang saong talam payak tuai.  Nan ye, lễ hội Bắc Nga di huyện Cao Lộc tuk ia bulan bak baoh bilan sa daok hu ieu lac lễ hội pabui quay. Angaok jalan nao hội, gah likuk dom baoh sạp praong tapen gauk, urang pablei gam gam cakak dom candaih ralo hu tal klik sambo nâu kanyik hadah. Pahe di ralo quay saong dom janih gia vị bak darak pasar. Urang nao hội oh klaak hu bruk vaih tame blei dom candiah, gam mbang gam ba drei tame hội hè.

Mai tal lễ hội đền Tả Phủ Kỳ, tuai damuai hu mboh  di anak meta bruk chế biến pandap mbang bingi hu angan ini. Grap labik dalam Lạng Sơn, dom baoh sang, tổ khu phố jeng eng drei quay pabui piah pok tagok quan lớn Tuần Tranh. Anak pabah mbang, dalam mblang sang, dom lò quay hu padang tagok. Dom baoh sang brei menuac hu ilamu abih piah tui iek bruk quay pabui. Piah hu pabui quay Lạng Sơn chính hiệu, brei palih ruah drei pabui meng 35 tal 40 kg ralo. Takai panak sit meng bingi.

Bloh lai  gia vị tame, abih di nyu nan lac hala mác mật oh kurang hu. Mbang mác mật biak siam ka pren yava;  klik pabui khin lacam brei tapa bruk taong sambo. Ia hani glai tamo lai hong ia luk tagok klik pabui, ngak jeng sambo kanyik nâu meraih janyaih mekre meta, ngak ka urang halei jeng haok ia pabah. Ini jeng lac kadha akaok meti piah taong yaom độ bingi di ralo pabui quay caik tagok talam paling yang.

 Tal mong ba tabiak, yaok rituh talam pabui quay hu rok tagok đền Tả Phủ gam dom janih baoh kayau patau, vàng sớ… ngak jeng bruk biak karei di lễ hoi praong abih xứ Lạng. Hadei di tuk da-a yang, dom talam pabui quay hu mikva parabha gauk mbang saong daa tuai. Angaok talam, yaok jam dauk kapak dom candiah ralo sambo kanyik nâu biak mekre meta. Ia mesin piah tut brei hu baoh mác mật, sara atau ia mesin caik baoh mác mật tui khẩu vị.

Po sang tuh ka tuai damuai cavar alak Mẫu Sơn, daa mbang dom pandap mang karei karei di puk palei. Tamat lễ hội, tuai tabiak nao sang bo jeng daok kanal miat hương vị ralo pabui quay mbak carak, oh lac sa pandap mbang saoh bo daok lac ilamu oh var hu di urang xứ lạng harei akaok xuân./.