Urak ini, mikva Cam ấp 4, xã Xuân Hưng, huyện Xuân Lộc, tỉnh Đồng Nai  uan tabuan tuk raidiuk hu salih bahrau. Dahlau daih, dalam bruk padang ngak palei pala bahrau, bruk patagok, pasaim jalan palei, ấp 4 hu xã taong yaom lac sa dalam dom bruk kan ngak kayua brei hu rilo jien padai, saong giải phóng mặt bằng bhian gaok kan kandah. Hadei di sa tukvak jak ba, labaih 150 sang bhap bini dalam ấp 4 halan hatian yah klaak paga, tak bein kayau, alin brei jaik 20 ribau mét vuông taneh saong rik pren yava  tame ngak haong Karja. Dalam 5 thu (2011-2015),  ấp ngak hu 7 jalan palei, atah abih tih 2.430 mét, ngak abih 2 tỷ 700 triệu đồng, caik 82 baoh gom truac hadah di dom jalan bê tông dalam bhum urang Cam saong yaom jien abih 55 triệu đồng. Ông Norodem, akok palei 4, xã Xuân Hưng lac: " Puk palei hu salih birau yau harei ini, meng hu bruk daong di Karja gam saong mikva jak gauk rik prein yawa, jien padai piah padang ngak palei pala birau..."

 Xuân Hưng lac xã hu urang bangsa takik, peih bruk padang ngak palei pala bahrau lac pataom tame dom jalan đầu tư patagok kinh tế, paglaong raidiuk ka mikva urang ngak nong. Dalam dom bruk ngak nan, dahlau di abih njauk ndom tal bruk kham merat salih janih phun pala, athur raong ka nyu lagaih haong lingik tasik, taneh riya di palei. Dom thun jaik di ini, yaok ribau hecta bein phun pala mek hu jien takik hu urang ngak nong salih tapa pala thanh long, pa-ok, darang, amriak kalu… yaok thun duah hu meng 300 tal 600 triệu đồng yaok ha.Yau ye sang ong Mad Ly, Chàm Roman, Chàm Sên, Marigiah…meng pandar ilamu bahrau dalam bruk salih janih phun pala, tal urak ini dom baoh sang nan hu ginup meda, hu ba bruk ngak ka rilo urang dalam palei. Sang sa-ai Marigiah patagok kinh tế meng bruk raong menuk, raong ada mek hu jien tani tanat meng rilo thun tapa. Sa-ai  Marigiah brei thau, hu yau harei ini sang sa-ai taduan hu bruk sangka, tacei pato di urang jakar xã,  ấp dalam bruk salih janih phun pala, langyah kan kandah dalam sản xuất. 

 Meng dom salih bahrau saong jalan ngak khang kadang nan, jien mek tame di bhap bini labik ini dak harei dak glaong. Amuk Trần Thị Mai Phương, Phó akaok Ủy ban bhap bini xã Xuân Hưng, huyện Xuân Lộc, tỉnh Đồng Nai brei thau: "Jalan ngak saong bruk ngak brei patagok kinh tế xã hội piah khik an ninh chính trị dalam bhum bhap bini bangsa tukvak 2016-2020. Daok bruk ngak ka urang Cam dalam tuk mbeik drei tamenjauk ngak siam bruk pathau khan, langyah, duah thau hatai caong di urang Cam dalam bruk pato pakai chính trị tư tưởng, pathau khan hatai anit taneh ia, khik ramik ilamu bangsa, jum pataom gauk, daong ba gauk, anit ranam gauk."

Bruk padang ngak palei pala bahrau hu ngak brei salih bahrau raidiuk, bruk ngak mbang saong ilamu dalam bhap bini Cam ấp 4, xã Xuân Hưng, huyện Xuân Lộc, tỉnh Đồng Nai tui jalan siam mekre./.