Di xã Hàm Tân, huyện Trà Cú, tỉnh Trà Vinh hu dua palei Cà Hom saong Bến Bạ daok di tapen kraong Hậu. Langiu di bruk ngak hamu apuh, tuk lahaiy, ralo urang ngak nong menyim ciu duah jien. Tui thun bilan, dua palei Cà Hom saong Bến Bạ hu jeng palei ngak ciu tal urak ini hu labaih 100 thun. Yaom lac tok hu 450 baoh sang ngan saong 1.000 urang ngak daok di dua palei Cà Hom saong Bến Bạ ngak ciu, min kayua hu angan je meng lavik mai nan ye urang bhian randap eiw lac palei ngak ini  Cà Hom.

Mikva daok pak ini brei thau: Talaoh( Lác) lac pandap piah ngak ciu. Bruk kaoh mek saong pablei talaoh ka dom palei ngak ciu dalam saong langiu tỉnh lac bruk di mikva daok di xã Đức Mỹ, huyện Càng Long, tỉnh Trà Vinh.

          Bruk camereip piah ngak ciu lac duah talaoh biak taha, hadei di nan palih ruah talaoh atah tui ciu drei menyim. Talaoh hu palih ruah blaoh  ba rao hacih, uak veik meng to biak haluak saong sit. Bruk ini brei hu rilo menuac dalam sang gam ngak meng hu ginup talaoh piah menyim dom harei.

Yaok rak talaoh hadei di tuk pambu thu, nyu praong nde gai nhang. Meyah ngak ciu bingu ye lai ia sambo mau riak talaoh, apui gam mbiah, apui praong atau sit lo mbuan ba tal talaoh tathak laman atau oh tame sambo mau. 

Nghe nhan Khmer Ngô Thị Pho,urang khik ramik suan yawa di bruk ngak ciu bingu palei Ca Hom – Bến Bạ, xã Hàm Tân, huyện Trà Cú, tỉnh Trà Vinh, urang hu angan gheih ngak ciu dua mbaok hu thaot bingukdom baoh kandhi ameh lac: “hadei di nyom sambo màu blaohba nao pambu pandiak. Bruk ini hu dom urang ngak ciu Ham Tan – Tra Cú hu ilamu pambu pandiak. Talaoh pambu ginup pandiak meng menyim hu ciu bingu.

Thun 2001, meng hatai caong khin padang veik palei ngak saong daong ka rilo urang Khmer kan kathaot hu bruk ngak, UB bhap bini xã Hàm Tân hu padang danak dak daong jien ngak daneng menyim ka 40 baoh sang kan kathaot saong da-a muk Pho mai pato menyim ciu dua mbaok.Muk taduan panuac saong kham merat pato veik bruk menyim ciu bingu. Palei menyim ciu Cà Hom – Bến Bạ urak ini hu labih 200 baoh sang diuk rai meng bruk menyim ciu saong hu labaih 600 urang ngak dom bruk: pala talaoh, sơ chế nguyên liệu, lai sam,bo mau…

Urak ini, palei ngak ciu Cà Hom saong Bến Bạ hu 500 daneng menyim, ba bruk ngak ka 1000 urang. Nan oh ka ndem tal ralo menuac ngak dom bruk pabak ka bruk menyim ciu yau ye: pala, kaoh, pambu thu, pajeng mai, nyom mau, ba pablei.

Meng sa daneng menyim dalam sang, dua urang kumei gam ngak dom bruk sang yau ye puh ramik sang danaok, ngak mbang huak, raong anek, cim pabui…takik di nyu menyim hu sa thong ciu praong 1,6 atah 2m dalam sa harei. Urang halei joi meda menyim hu sa thong meteh tal 2 thong ciu. Dalam jaik 400 baoh sang  menyim ciu ye hu 80% baoh sang lac urang bangsa Khmer. Palei ciu Ca Hom - Ben Ba lingiu di bruk ba bruk ngak tapak ka dom sang menyim, daok hu ba bruk ngak ka labih 1.500 urang ngak karei, yau ye: pala talaoh, so chế, menyim apah saong pablei ciu. Yaok thun palei ciu Cà Hom - Bến Bạ pablei hu labaih kurang 150 .000 thong ciu.

Ciu di palei Cà Hom gam gheih gam kajap, danei angan atah. Rilo tuai damuai duah mai labik ini piah rivang iek saong duah thau ka bruk menyim. Yau nan ye, baoh sang dom urang nghe nhan yau Ngo Thi Pho, Diep Thị Som…tuk halei jeng hu tuai vaih tame ravang./.