Nao tapa dom jalan taneh bhong vil val dom mbuan ceik pala  vải thiều bak sambo hijao, khaol dahlak nao tal sang sa-ai Phan Văn Tiến, daok di Thum Bắc, xã Quý Sơn. Bahrau yam takai tal akaok pambang jang ye mahit cambaih sap tapaoh akhar yava tabiak meng baoh sang nan, dom sap yava nan ngak brei chreih chrai sa puk palei gandang, joa. Sa-ai Tiến brei thau, tal bac akhar Hán - Nôm Sán Dìu hu peih tabiak meng akaok bilan 5-2010, yaok adit bac dua harei, harei car saong harei dit. Akaok mereip, tal bac tok hu 20 urang tut tangin tame bac min tal harei ini tagok tal jaik 40, nan ye baoh sang jaik 70m2 di baoh sang sa-ai jeng mboh ganik ganong.

Dom harei tal bac peih tabiak, dua diuk pasang sa-ai brei padeih abih dom bruk hamu, apuh piah puh ramik sang danaok, rami ramik veik bàn kik, caga aia menyum, lisei huak ka dom urang daok atah. Tui bac lac mikva bangsa Sán Dìu daok di dom xã dalam saong langiu huyện, urang prong thun abih lac 60, sit thun abih lac 12. Hu urang lac jakar xã, urang jakar padeih hưu, urang pablei salih, gru iew yang, urang ngak nong, anek saih, min taong abih dom urang ini jeng hu hatai takre saong caong khin thau jang ka ilamo meng kan, khik ramik akhar vak di bangsa drei.

  Oh huac jalan atah, sa-ai Diệp Văn Bồ, akaok palei Đồng Con 1, xã Tân Lập, dalam 2 harei puac adit nduac radaih labaih dua pluh mbaik cây số mai bac. Sa-ai khan lac: palei Đồng Con 1 hu 90% lac urang bangsa Sán Dìu min oh thei daok thau puac, vak hu akhar Sán Dìu tra. Tuk hu thau di  xã Quý Sơn hu tal pato akhar  Hán - Nôm Sán Dìu sa-ai bui sambai ralo, kham merat tui bac ka bahu piah harei hadei pato tacei veik ka mikva dalam palei.

  Jeng hu hatai saneng yau nan, ong Chu Văn Thao (umo 58 thun), daok di xã Đông Hưng, huyện Lục Nam thau hu tal bac tapa sa urang randap di xã Quý Sơn meyaih khan, ong mai likau tame bac. Ong lac: dalam palei urak ini hu jaik 200 baoh sang urang Sán Dìu min oh hu thei daok thau vak saong puac  akhar vak di bangsa drei. Hu mbaok tame tal bac mbang ini ong kham merat bac megru ka siam piah pato tacei veik ka anek kamuan thau ka halau gha di bangsa drei.

Ong Hoàng Văn Dậu, daok di palei Bắc 1, xã Quý Sơn – gru pato akhar Sán Dìu di tal bac ini khan lac: Caong peih tal pato akhar bangsa Sán Dìu ka mikva meng lavik, min oh hu jien ndo nan ye oh ka peih ngak hu. Meng blaoh, hu Kadung jien khik ramik ilamo bhap bani daong brei hasit jien peih tal bac nan ye dahlak taduan panuac  tame pato.

Hu thau, dalam sang ong Dậu urak ini daok hu dom baoh tapuk Hán - Nôm Sán Dìu, asal kadha dalam tapuk rilo meng pambuak pagam tal tri thức bhap bani, đạo đức, thiên văn, tapuk jru, kadha daoh bhap bani saong adat cambat tanarakun... Tui ong Dậu, bac akhar Hán - Nôm biak kan, piah thau cambaih, lang makna, phiên âm tapa sap bangsa Sán Dìu daok kan kandah jang, nan ye urang bac brei tari tareng, brei hu hatai takre meng jeng... Bac akhar Sán Dìu piah thau jang ka nhân nghĩa, khik ramik jalan diuk rai, adat cambat tanarakun siam gheih, thau ka jalan ngak manuac, daong ka anek manuac pamong tal bruk ngak pahla, plaih atah bruk jhak. Ini jeng lac asal kadha dalam dom kadha pato di ong Dậu di tal bac.

Ong Nguyễn Xuân Cần, urang dahlau diah ngak Giám đốc Bảo tàng tỉnh Bắc Giang brei thau: Bangsa Sán Dìu urak ini daok khik hu ralo drap ar inem mek ilamo, abih di nyu lac tapuk Hán - Nôm. Dalam nan hu labaih 100 akaok tapuk daok hu khik piah di dom kho gia thư di dom baoh sang urang Sán Dìu di xã Quý Sơn nan jeng lac dom tài liệu quý, daong ka khaol drei thau cambaih jang ka panuac ndom akhar vak di urang Sán Dìu.

Ong Nguyễn Xuân Cần, dahlau daih ngak Giám đốc Bảo tàng tỉnh Bắc Giang brei thau: Bangsa Sán Dìu urak ini daok khik hu rilo drap ar iamu, abih di nyu nan lac tapuk Hán - Nôm. Dalam labaih 100 baoh tapuk daok hu khik ramik di dom sang urang Sán Dìu dalam xã Quý Sơn jeng lac dom tài liệu quý, daong ka kol drei thau sap ndom, akhar vak saong ilamu urang Sán Dìu.

Min urak ini, dom urang thau puac, thau vak saong pandar dom tapuk ini oh hu ralo. Piah khik ramik saong patgaok ilamo bangsa, Pasak Trao đổi giáo dục haong Việt Nam saong kadung jien daong khik ramik ilamo bhap bani hu daong ka puk palei jaik 100 var bac. Taphia di nan, Muyim tỉnh daok hu daong tapuk tài liệu, giáo án saong gru pato dalam tukvak sa thun, min kayua oh hu ralo jien nan ye bruk daong tok hu brei ka 20 urang  (yaok van bac hu 20 ribau đồng sa urang). Yaom lac yau nan, min dom manuac urang hu mbaok tame ba jeng hu rilo jang 2 mbang, bhap bani biak cheih chai haong bruk bac da-a saong halar hatian buh jien tabiak piah bac. Caong lac, hadei di khóa bac ini meda daok hu ralo khóa bac dreh yau nan hu peih tabiak./..