“ Pandap hiếm “ di palei Rơ Wat
-Kol dahlak nao ravang taha A Ginh tuk taha saong anek taco ba bộ cồng chiêng jaik 100 thun padauk dalam tủ tabiak uak, pasiam sap piah pasram veik dom kadha chiêng duh ka adat uan tết Đinh Dậu. Taha A Ginh ndih tapui thun 1916, thun ini umo labaih 100, urang dhar Rơ Ngao di bangsa Ba Na. Taha lac urang praong athun abih palei saong lac sa dalam dua urang daok khik hu tamo bộ cồng chiêng mengkan dalam palei Rơ wat, xa Đak Nang, ban sit Kon Tum, tỉnh Kon Tum. 
-Taha A Ginh gam pan baoh chiêng klak gam khan brei thau ka sajarah di bộ cồng chiêng jaik 100 thun ini. Bộ cồng chiêng hu abih tih 18 baoh, dalam nan hu 8 baok chiêng saong 10 baok cồng hu taha A Ginh blei meng thun 1982. Tui blei nyu, po klak brei thau, bộ cồng chiêng ini hu umo thun jaik samu taha A Ginh tuk nan. Pô di bộ cồng chiêng tuk nan ndok yaom 25 triệu đồng, oh ginup jien blei, taha A Ginh mai sang pablei tapol limo di drei piah blei ka pahu bộ cồng chiêng kayua dalam akaok sahanneg di ông tok caong khin khik veik ilimo bhapbini drei piah anek taco harei hadei oh lihik ilimo bangsa. Hu bộ cồng chiêng, ông saong dom  likei dam dalam palei harei melam pasram taong dom kadha chiêng piah duh ka dom bilan rija roya, ndam metai di palei ye : lễ hội klauk kubao, adat bỏ mã, adat uan padai barau…Lac di karei min oh khik veik ka drei, ông brei ka palei Ra Wat nyim bộ cồng chiêng tuk halei palei caong tal. 
Taha palei A Giuh – palei Rơ Wat khan lac : Taha A Ginh salut mbut rilo, ông hu bộ cồng chiêng quý, min tuk hlaei palei caong ye ông jeng brei nyim piah  pasram ka urang  anaih umo dalam palei atau piah mein dalam dom rija roya di palei Rơ Wat. Taha A Ginh lac sajarah daok diuk di palei kol dahlak. Taha A Ginh lac sa dalam biak takik urang ngak tabiak mo hinh sang rông piah dom urang ranaih umo ngak jeng baok sang rông di palei harei ini. Taha saong bộ cồng chiêng di ông nan lac “ pandap quý” di palei Rơ Wat ini. 
-Thau tal bộ cồng chiêng di taha A Ginh, biak rilo urang mai duah blei, bayan yaom meng 50 tal 80 trieu dong min taha oh pablei. Min, tuk palei hu bruk, taha tame mek yaok baok cồng, baok chiêng padauk siam dalam tủ tabiak brei nyim saong hatai bui sambai caong hu duh ka bhapbini palei. Hu tangi kayua habal oh pablei bộ cồng chiêng, taha A Ginh khan lac “ Dahlak caong khin anek taco khik veik ilimo bangsa Ba Na, pang sap cồng chiêng meda hadar veik mengkan, hadar ka ông amuk dahlau daih. Bộ cồng chiêng ini tui dahlak jaik meteh raidiuk, dahlak caong khik veik nyu piah hadei ini dahlak metai nao, tuk palei Rơ Wat ba bộ cồng chiêng ini tabiak taong meda hadar tal dahlak”
-Urak ini, di Kon Tum jeng hu rilo bộ cồng chiêng hu yaom jang bộ di taha A Ginh, min bộ cồng chiêng ini hu kak kajap saong ông haong plaei Rơ Wat dalam rilo mbang rija roya, kak kajap saong ông jaik meteh rai anek menuac yau nan ye oh hu hagait salih hu giá trị tinh thần nan. Bhapbini palei Rơ Wat mboh bộ cồng chiêng saong taha A Ginh ye yau mboh veik dom kadha mengkan, piah oh var hlau gha. Kayua yau nan ye, bộ cồng chiêng saong taha A Ginh jeng “ pandap hiếm di palei Rơ Wat. 
-Langiu bộ cồng chiêng klak, dalam sang taha A Ginh daok khik dua sruh ghè klak, yaok sruh yaom samu 3 drei limo di tukvak labaih 50 thun dahlau./.