Yaok bilan 2 mbang, dom urang dalam kalup kapul Daoh bài chòi ban sit  Quãng Ngãi mai pataom gauk di Pasak Khik ramik saong patagok ragu daoh bhap bini bài chòi saong daoh hố Quảng Ngãi di Tổ 6, phường Lê Hồng Phong, ban sit Quảng Ngãi piah daoh bài chòi. Urang mai tal kalup kapul ini menng hatai biak takre bài chòi. Amuk Võ Thị Kim Hồng, akaok Kpalup kapol daoh bài chòi  ban sit Quảng Ngãi brei thau: Tapa 5 thun padang tagok, mbiak tal harei ini, CLB hu labaih 40 urang kak kajap saong dom ragu daoh lai la-an di bài chòi:“Khol dahlak padang kalup kapul, pataom hu dom urang, dalam nan hu dom urang thau daoh meng dahlau diah saong dom urang bac daoh hadei ini, urang halei jeng hu hatai takre yau gauk. Urang mai ini pataom gauk daoh. Khol dahlak daoh veik dom kadha birau hu bac blaoh. Daok dom kadha daoh hố atau dom kadah daoh ru bo thei hu thau bloh ye urang daoh.  Urang tacei gauk, pato gauk daoh”

Meng rilo thun ini mai, baoh sang sa-ai Hiệu Trịnh Công Sơn saong sa-ai Hiệu Trần Thị Mỹ Lệ hu jeng labik pagon pataom gauk di dom urang takre daoh bài chòi. Dua diuk pasang nan caik abih baoh sang sit di drei ngak labik ngak bruk di Pasak Khik ramik saong patagok ilamu nghe thuat bài chòi saong daoh hố Quảng Ngãi. Dua diuk pasang dahlau daih lac đào, kép di  Đoàn Dân ca, kịch bài chòi tỉnh Nghĩa Bình klak. Thun 2013, Pasak Khik ramik saong patagok ilamu nghe thuat bài chòi hu tabiak rai, jeng labik taom gaok di dom urang takre daoh bai chòi. Ong Trịnh Công Sơn, Akok Pasak Khik ramik saong patagok ilamu nghe thuat bài chòi saong daoh hố Quảng Ngãi lac, bruk khik ramik dom kalup kapol bài chòi di dom puk palei, đơn vị, kapol nyaom…hu daong khik ramik saong patagok dom ilumu phi vật thể di ragu daoh bhap bini ini.“  Khol dahlak daok suh sah, ngak habar piah bruk takre daoh bài chòi dak harei dak hu pambak praong. Paguh page, khol dahlak taha nao,, huac lac oh hu thei patui veik.  Kayua yau nan ye, njauk brei patoa veik drak samar di abih ka dom rairah hadei. Ini lac bruk caong khin di khol dahlak.”

  Tỉnh Quảng Ngãi daok padang ngak Danak dak khik ramik saong patagok ialmu nghe thuat bai choi tukvak 2018-2025. Dalam nan, pataom tame duah, pataom, taong yaom ka nghe thuat bai choi; pasiam veik bruk ngak saong pato pasram, paglaong ilamu parang me-in, paneh kadha daoh bai choi ka dom urang daoh, kalup kapol bai choi; daong jien, pilih ruah,  pok panuac brei pok angan nghệ nhân ưu tú, nghe nhan bhap bani bai choi; pambuak nghe thuat bai choi saong bruk patagok du lich…Ong Nguyen Minh Trí, akaok Sở Ilamu, the thao saong Du lich tỉnh Quảng Ngãi brei thau: “Tukvak anak tal, njauk ba bai choi tame tuor dulich, piah ka dom nghe nhan, nghe si daoh bai choi. Tour dulich nan, bhap bini brei parabha dom kein laba ka dom nghe nhan, ba mbuan lagaih ka  dom urang nan hu labik daoh bai choi  saong piah ka urang duah hu jien.”

 UB bhap bini tỉnh Quảng Ngãi birau jao brei Sở Ilamu, The thao saong dulich pambuak bruk haong Hội Nghệ sĩ Sân khấu Việt Nam peih Harei pataom Nghệ thuật sân khấu Tuồng saong Bài Chòi pakat negar mbangka 1 – thun 2018. Ini lac tuk piah ka dom đơn vị nghe thuat  Tuồng chuyên nghiệp, dom kalup kapol Bai choi parang me-in, pameyaih khan dom kadha birau jeng yau dom bruk ngak hu dalam khik ramik, patagok dom yaom glaong di ilamu nghe thuat tuồng meng kan saong bai choi./.