Khu phố 2, phường 12, quận 10, ban raya Hồ Chí Minh nan lac labik daok di labaih 44 baoh sang urang Cam Islam. Dalam dom thun 1980 -1990, raidiuk mbang ngui di urang Cam labik ini daok rilo kan kandah, mikva ralo meng pablei salih sit sot, ngak bruk sang ka urang Malaysia, Indonesia di ban raya…yau nan ye bruk bac da-a di anek bik oh hu tani tanat; hu rilo baoh sang anek praong tal umo ngak bruk ye brei padeih bac nao ngak mbang apah duah jien daong amaik ame. Dom thun jaik di ini, hu bruk sangka di Đảng, Karja, Kapul urang kumei phuong, UB mat tran negar phuong pambuak saong Gilang pariak sarak karja daong mikva tui rilo jalan yau ye brei ka dom adei sa-ai kumei Cam kan kathaot mesre jien piah pablei salih sit di sang. Thun 2016, quận 10 daong brei mesre 150 triệu đồng ka dom baoh sang kan kandah, abih di nyu nan lac urang bangsa takik. Meng phun jien nan, rilo baoh sang thau pablei salih, atau blei mac jamriah jik di sang…meng nan, hu labiah 30 boah sang tapa truh kan kathaot. Urak ini, dalam phuong 12 hu labaih 100 baoh sang kan kathaot, dalam nan hu 4 baoh sang urang Cam. Sa-ai Pha Ti Mah, urang hu mesre 10 trieu dong di Kapul urang kumei phường piah blei mac vat so mai mbang pah sik khan ao di sang, brei thau.

Lac sa quận hu 3 bangsa Kinh, Hoa saong Cam, quận 10 tuk halei jeng hu rilo bruk sangka daong ka urang bangsa takik. Lingiu di nan, dom gah chức năng hu pambuak bruk saong Ub bhap bini dom phuong hu rilo urang bangsa takik, peih bruk daoh tamia, me-in the thao dalam dom harei roya, yau  “Harei ilamu dom bangsa Viet Nam” pachreih hu rilo urang bangsa hu mbaok tame; tapa nan brei mboh bruk sangka, klah rabha saong ngak jeng bruk jum pataom bangsa. Oh lac ngak siam bruk ilamu, patruh eik patrun kathaot, phương 12, quan 10 daok hu iek praong bruk pato megru, an sinh xa hoi ka bhap bini, abih di nyu nan lac anek kamuan urang Cam; bhian peih bruk iek ruak, brei jru ka urang taha, urang daok sa drei…Thun 2016, phuong 12 hu brei BHYT ka labaih 12 urang taha sang kan kandah. Bruk padang ngak baoh sang anit ranam, sang jum pataom ka urang Cam tuk halei jeng hu ngak samar jang bruk ba tabiak. Mbiah tal urak ini, hu padang ngak blaoh 4 baoh sang ka urang Cam, yaok baoh sang yaom labaih 60 trieu dong, daong ka mikva urang Cam hu labik daok tani tanat. Langiu di nan, karja palei tuk halei jeng daongka anek kamuan urang Cam nao bac njauk umo thun, plaih bruk klaak bac meteh dhi. Yaok thun, hu labaih 12 anek saih Cam taduan hu paok jien bac Nguyễn Hữu Thọ meng pakat THCS tal ĐH. Ini jeng lac bruk pachreih daong ka dom adei bac da-a siam jang, kham merat  yam tagok dalam raidiuk. Adei Sa Phi Na, sinh vien thun ka 2, khoa Trung cap ke toan, ban raya Ho Chi Minh lac: “Biak thau dhar phon Karja hu daong ka hulin…”

Urak ini, raidiuk hu trei sir, mikva sahanang hatai ngak mbang tani tanat raidiuk. Oh lac pataom tame ngak mbang, bo hu rilo baoh sang tut angan tame kapul tự quãn di phường, khu phố, rik prein tame khik kajap sron mbon salamat puk paga. Bruk bhap bini jum pataom dak padang riadiuk ilamu di labik daok hu ngak brei salih birau mbaok meta phuong. Bhap bini daong karja jhul kadun likuk tệ nạn xa hoi. Bruk njauk biai nan lac, Ub mat tran To quoc phuong jeng hu daong jien, pandap panda ka rilo urang nao suan jalan mai veik jalan njauk, duah bruk ngak tani tanat, daong cakrok patagok kinh te xa hoi, ngak jeng talei jum pataom anit ranamm gauk di 3 bangsa Cham, Hoa, Khmer. Haji Ko Sem, Hakim jamaah HayaTul Islam lac: “Kol Cam hulin hu Karja daong meng nan raidiuk hu salih birau…”

Lakau drei mikva Cam phuòng 12, quan 10, Ban raya Ho Chi Minh, dalam hatai khol dahlak biak uan tabuan tuk mboh raidiuk mikva labik ini dak harei dak salih birau. Labik ini, labik daih dalam sang megik HayaTul Islam daok yava tagok sap dom adei sit daok bac sap Cam. Labik ini jeng daok tamuh tagok rilo baoh sang bahrau praong, siam. Mikva Cam halan hatian diuk rai siam ka dunya, mekre ka agama, padang baoh sang ilamu, rik pren tame ngak brei xa hoi siam mekre, salamat, bak hatai anit ranam gauk piah njauk lac ban raya angan Wa./.