Ravang bhum taneh anh hung Phuoc Chien

***

Meng rilo chien cong oanh liet di dua mbang mesruh saong kol Prang , de quoc My meblah taneh ia, xa bhum ceik Phước Chiến, huyen Thuan Bac, tinh Ninh Thuan hadah mbaok hu karja alin angan  Đơn vị Anh hùng tapon nyom bol pan phao kraong bhap bini. Urak ini di xã hu 69 liệt sỹ, 225 thương, bệnh binh saong rilo sang sarak. Patui bruk anh hùng,  bhapnini Raglai harei ini kham merat pakacah gauk ngak mbang yam tagok patruh kathaot khang kajap. Ai Nghiem – urang vak di rayo sap ndom Viet Nam daok di ban raya Ho Chi Minh hu kadha vak brei thau ka bruk hadah hadai ini:

-Phước Chiến lac xã bhum ceik kan kandah di huyện Thuận Bắc, tỉnh Ninh Thuận, hu 985 baoh sang, rilo meng lac bhapbini bangsa Raglai. Taneh ngak nong rilo meng lac taneh tambok, mbuan si jaleih nan ye pala drak biak kan kandah. Hu bruk sangka di karja, dom bruk daong patagok kinh te hu siam mekre, ba mai trei sir ka bhapbini Phuoc Chien. Dom cong trinh thuy loi hu karja buh jien ngak, hu daong ka 585 hecta taneh dahlau thiah klak saoh urak ini jeng puh tangei lai, tabau, bei plom hijao siam. Bruk pala tangei lac nang suat hu 5 tấn yaok hecta sa vụ.bruk pala phun tabau, hu jaik 40 ha brei nang suat  60 tấn; phun bei plom brei năng suất 20 tấn yaok hecta. Ông Đá Mài Bắn, Bí thư Đảng ủy xã Phước Chiến, huyen Thuận Bắc, tỉnh Ninh Thuận brei thau: Dom thun jaik ini, karja hu buh jien tame ngak rilo bruk yau hệ thống ia, menyek, sang bac, praong abih lac cong trinh thủy lợi piah hu ia ka mikva pala drak biak kein laba. Mikva drei jeng kham merat ngak mbang hu jien mek tame piah pasiam raidiuk saong mikva bac megru gauk ngak mbang.

Meng hu ia di binek Sông Trâu, sang ông Chamaléa Biên daok di palei  Ma Trai, xã Phước Chiến, huyện Thuận Bắc, tỉnh Ninh Thuận hu 6 sào taneh, ông pala phun mbang baoh pambuak saong raong glang. Yaok thun ông mek tame hu labaih 40 triệu đồng. Ông Chamaléa Biên khan lac: “Langiu di nan, dahlak pala 280 phun angaok 3 sào cà phê. Cà phê ini  3 thun meng paik baok. Dahlak hu pala amraik kalu daok cakrok siam, dahlak pala veik 40 phun tra. Urak ini, drei daok pasang iek piah caga paik pablei, daok caphe ye phun daok sit. Pamaong tal harei hadei lac caphe siam lagaih jang.

-Langiu di pala drak,  xã bhum ceik Phước Chiến daok hu pren khang ka raong glang. Jaik abih dom sang jeng raong takik abih meng 2 tal 3 drei athur. Hu karja brei mesraiy 20 triệu đồng, saai  Mấu Thị  Tuyền daok di palei Đầu Suối B, xã Phước Chiến, huyện Thuận Bắc, tỉnh Ninh Thuận peih bruk ngak mbang meng raong limo. Meng dua limo binai akaok mereip, tapa labaih 10 thun tal urak ini sang saai hu 13 drei limo saong 7 drei pabe. Saai Tuyền brei thau, dom thun jaik ini, meng hu ia di Sông Trâu nan ye saai pala hareik ngak pandap mbang ka limo dalam bilan pandiak thu  Tuk camereip drei mesraiy jien karja blei hu 2 drei limo. Blaoh drei patak pataom blei hu pabe. Drei daok  ngak puh 6 sào”

Urak ini, tapol athur di xã hu jaik 3.000 drei kubao, limo saong labaih 1.500 drei pabe. Ngak mbang patagok, ia mbaok palei pala tui nan jeng hadah hadai tagok. Di bhum taneh dahlau thiah lac mblang mesruh urak ini hu rilo cong trinh ha tầng hu padang ngak, dalam nan hu jalan tuh bê tông di palei Ma Trai. Urak ini, xã hu labaih 70% jalan nao mai dalam palei hu tuh bê tông, labaih 95% sang hu padang ngak khang kajap, sang bhpabini  halei jeng hu menyek truac hadah saong ia pandar hacih saat.. Yau nan min, raidiuk di urang bhapnini di Phước Chiến jeng daok rilo kan kandah, trình độ dân trí oh ka glaong, rilo sang daok kurang sang daok. Phước Chiến jeng daok caong hu bruk sangka buh jien tame padang ngak dom công trình thủy lợi piah hu ia patagok pala drak, raong glang, rik daong ngak ka raidiuk di bhapbini Raglai dak harei dak trei sir saong haniem phuan.