-ini lac libik nao oh klak tapa hu di tuai damuai tuk yam takai tal  Hà Giang. Dinh thự daok dalam thung lũng Sà Phìn, huyện Đồng Văn, angaok sa tambok haluk glaong yau kanduh di kra kanduh, tượng trưng ka thần Kim Quy, vil tam dhar hu sa talei ceik vòng cung, ngak jeng labik phòng thủ biak kheih.

   -Yam tame libik dinh thự, kadha njauk caik hatai akaok mereip lac dom talei phun sa mộc glaong, tapak yaok ratuh thun. Baoh bambang kajang patau di dinh biak praong hu sarak biak gheih. Cổng sang cong, mbeik rup ngan saong dom seok cim dhun – biểu tượng ka akhar “phúc”. Tabung cổng meng kayau hu sarak biak gheih, ngan saong rilo janih bingu la.

   -Dinh hu jaik 100 thun, patao Mèo hu pah rilo thợ naih joi lac urang Trung Quốc saong urang Mông gam saong yaok rabau ngak, padang dinh thự dalam jaik 10 thun. Bruk padang ngak nan abih jaik 150.000 đồng pariak patih, sumu 150 tỉ jien Việt Nam tukvak nan.

  - Dinh thự hu padang ngak dreih yau thành quách di rai Thanh (Trung Hoa), pambuak haong dom bingu la di urang Mông, gam haong kiến trúc Pháp yau dom lò sưởi, lô cốt… Dinh hu 3 cung tiền, trung saong hậu, ngan saong 64 haduk praong, sit meda daok hu jaik 100 urang.

  -Kreih dom talei sang kayau 2 tầng sir lac sa mblang praong hadah bak ia harei. Vil tom dar sang lac beir phun ngan saong rilo janih phun ye: phun sa mộc, phun quế, đào, lê, dom janih bingu…Bruk kheih meta di libik dinh thự daok dalam cấu trúc saong bruk dak dom haduk. Dinh thự yau sa pháo đài kajap hu dom daning kapan, hu ngak meng patau hijao, kiak lanh am saong kayau dalam dom talei sang lac kayua thông patau. Dinh hu dua lô cốt piah caga, hu kho khik drap ar, kho phao ndao, kho jru phien, bruk dak dom haduk yau ye sa thành quách sit.

    -Sa bruk njauk ndom tal tra di dinh lac nghệ thuật điêu khắc dalam dom phần di talei sang, ndung bak dấu ấn di but pajaih Vương, dấu ấn di bruk pablei salih jru phien. Rilo chi tiết meng patau di tòa sang hu chạm khắc cầu kì, biak kheih ndung bak dom biểu tượng ka bruk ginup meda, hadah hadai. Dom mbaik geng hu sarak thaot cuống quả jru phien praong yau baoh chum, hu thah ka tanyak meng priak patih. Dom geng gai kanyan jeng hu sarak meng patau quý giá, ndung bak thaot di phun bingu anh túc. Dom bingu la angaok xà sang, dom baoh bambang, pambang tho sarak thaot baoh jru phien biak kheih meta…Tapa thun bilan saong mesruh metak, dom gai kayau dalam libik dinh thự hu salih bahrau, min jeng khik hu tamo kiến trúc kheih mekre.

-Ini lac sa công trình ngan saong kiến trúc kheih abih di tỉnh Hà Giang hu karja dak tame inem mek kiến trúc nghệ thuật pakat negar./.