Ndam lakhah takuh

Ngak rup cih angaok kayau yau Yuan lac Tranh khắc gỗ dân gian Đông Hồ, lac sa janih rup cih meng kan mai hu meng jaman Lê, hu asal di palei Đông Hồ, xã Song Hồ, huyện Thuận Thành (Bắc Ninh). Palei Đông Hồ, jaman dalau daok ieu lac palei Mái, daok di tapen kraong Đuống, hu sa palei ngak meng kan mai, masa labaih 400 thun. Le hoi palei làng Hồ ngak di bilan 3 saka ia bilan yaok thun gam haong dom adat cambat yau kakuh yang, pacah nduac athek dan haong pacah cih rup cih … Meng dom thun puac abap 19 mai tal dom thun 40 di abap 20 ieu lac masa rup binguk Ndong Ho tagok glaong di abih.

Tal jaman ini, rup cih Đông Hồ harei Tết dak harei dak var nao, ngak ka bruk ngak rup cih Đong Ho dak harei dak lahik nao. Labaih 90% boh sang klak papan sarak,salih tapa ngak bruk krei piah duah jien ralo jang yau ye ngak vàng mã, atau ngak mbang pablei salih pandap panda karei.

Tui kuhria mboh, dalam palei harei ini tok daok 3 nghệ nhân gam haong labaih 20 urang daok tui ngak rup cih Đông Hồ. Daok 2 tal 3 nghệ nhân umur taha daok hu prien daong pato takei  ngak rup cih Đông Hồ …

Dalam nan hu ong Nguyễn Đăng Chế, ba abih hatai ranam khik ilamu ngak rup cih Đông Hồ. Thun 2006, ong Nguyễn Đăng Chế buh jien padang Pasak Ilamu rup cih Đông Hồ, jeng sa labih khik ramik, jeng labik yaih khan, dak iek yaok ribau papan sarak, khuôn tranh, dalam nan hu ralo papan sarak meng kayau siam hu umur jaik 200 thun. Pasak ilamu ini hu sang ngak baar, labik in rup cih, giã điệp haong labik parang ieik. Langiu dom rup cih tui jaman dahalau, dom urang palei rup cih Đông Hồ daok ngak baharau dom janih rup cih Đong Ho lagaih haong hatai takre jaman baharau yau ye: Saka Bộ lịch Tết, tem harak, tapuk uranaih pasram cih, tranh bưu thiếp… min jeng daok khik suan yava d rup cih Đong Ho.

Gam haong dom sarak daong ba, dom bruk sirah main haong pablei salih di tỉnh Bắc Ninh, mboh urak ni di palei Đông Hồ oh lac ngak barau janih rup cih Đong Ho bo daok jeng sa baoh muzim pachreih hu ralo manuac sia mai main iek. Dom kham marat di dom urang ranam ilamu bangsa palei rup cih Đông Hồ daok pok glaong daok khik hu ilamu bangsa di jaman barau.

Mai main palei rup cih Đông Hồ, manuac sia daok hu rivang jirah labik inem krung hu angan je yau ye Thuận Thành (Bắc Ninh), yau ye: Chùa Dâu, Chùa Bút Tháp, Lăng Kinh Dương Vương, Đền Sỹ Nhiếp…

Đông Hồ lac janih rup cih kak kajap haong tukvak ngak nong Viet Nam meng kan, rai diuk di urang nong binh di, chat phat, adat cabat, mbang ngui, daok dang. Pieh iek yaok blah di rup cih Đông Hồ brei thau ilamu praong glaong di bangsa urang Việt siam makre jang./.