- Palei ngak Châu Phong, ban sit Tân Châu, tỉnh An Giang lac libik hu tukvak hu bruk menyim jih dahlah Cam tagok khang abih di bhum Tây Nam Bộ ngan saong labaih 200 kik menyim. Ame saong amaik di Safinah jeng lac urang menyim di dom sang Cam hu bruk menyim meng dom rai. Amaik di Safinah lac amuk Zây Mah hadar veik: “Ngan saong amuk, bruk ini oh lac siam bo daok lac bruk di ong amuk ong kei caik veik. Anek kamuan njauk kham merat khik ramik.”.

-Safinah mboh amaik ame drei ngak biak glaih glan. Pandap ngak tabiak oh hu libik pablei. Jien mek tame biak takik, raidiuk dak harei dak kan kandah yau nan ye saai oh caong ngak bruk ini. Saong piah brei mboh bruk sahneng di drei lac njauk, Safinah khang hatai tagok jalan nao negar lingiu bac megru yau sa jalan peih talaih ka harei hadei di drei.

-Thun 2008, anai anek saih Safinah ba abih caong khin di umo thun 18, tabiak truh palei negar Châu Phong, tui kraong Cửu Long piah tagok jalan tapa Malaysia bac gah tài chính. Hadei di 4 thun bac megru, meng tari tarieng, sami samal, oh suai hadom hadei di tuk bac tamat, Safinah duah hu ka drei sa bruk ngak tani tanat di sa công ty thương mại điện tử di Malaysia ngan saong jien mek tame biak glaong. Dalam sa mbang mai ravang sang, Safinah mboh rilo tuai taneh ia lingiu mai ravang iek, blei pandap. Meng thau sap negar lingiu saong hu alamu taom gaok,ndom biai nao mai dalam labik ngak bruk di taneh ia lingiu, Safinah ndom puac saong dom urang nan blaoh mboh drei klak tapa sa bruk hagait nan. Safinah khan lac: “ Dahlak jeng oh hu thau habal tra, min dahlak mboh yau hu sa pren khang pachreih bac lac njauk tui bruk ini, bruk ngak hu meng rai ong amuk ong kei”

-Bloh nai kumei Cam kham merat mai veik haong bruk ngak ini, maong ye Safinah njauk bac veik bruk menyim meng akaok mereip. Safinah oh huac kanda hagait anak kan kandah di bruk menyim jih dahlah mengkan. Jalan siam bo Safinah maong mboh saong caong ngak piah pamedheih tagok palei ngak lac sarak daong bhapbini bangsa takik khik bruk ngak mengkan. Dahlau nan, piah daong bhapbini Cam khik ramik saong patagok bruk menyim, tỉnh An Giang hu padang pasak Thông tin Du lịch Châu Phong saong daong mikva ngak du lịch bhapbini. Dom tour du lịch ba tuai mai palei Cam, duah thau raidiuk, ilimo saong bruk ngak mengkan di mikva.

-Meng nan rilo menuac thau tal palei ngak saong pilih ruah blei pandap piah ngak pandap alin ka ayut sahabat, ka gauk gar. Meng alamu gah pablei salih điện tử hu thau bloh, nai hu ba tabiak jalan piah yaih khan pandap menyim di bhapbini Cam tal ayut sahabat dunya tapa mạng xã hội: Facebook, Twitter, Zalo…  Safinah jia lac, tok hu pandar thương mại điện tử, pandar abih bruk pambuak pagam saong bruk pambak praong di mạng xã hội meng daong ka pandap panda di bhapbini drei hu pablei siam jang, paglaong jien mek tame.

-“Diuk saong bruk, mikva meng kham merat khik bruk” - Safinah moang nan lac jalan nao njauk meyah caong patagok palei ngak. Min dom hagait bo Safinah daok pilih ruah, nai njauk njauk lac  urang daok tui jalan piah khik hu dalah apui bruk ngak mengkan bak tự hào oh lac di sang drei bo daok lac bruk tự hào di bhapbini urang Cam./. 

Thúy Linh