Urang Khmer yaok thun hu pakacah ghe ngo dok jiak dom boh baha 

Di Nam Bộ, hu labaih  600 boh bah  Khmer prong sit. Dom baoh baha nan hu padang ngak biak gheih mekre, brei mboh ilamu glaong gah, hu sambo màu hadah meng dom rup patau Yang tal dom dalikan di Phật ngak ka baha tuk halei jeng mboh biak ginreih. Dalam nan hu dom boh baha hu meng lavik saman song hu pok brei angan lac inem krung kiến trúc nghệ thuật pakat negar  yau: baha Âng, baha Mẹt, baha Hang, baha Dơi...

Baha Khmer hu labik dreih yau gauk, tabung baha hu ngak yau klau kieng samu gauk, tabung baha hu  3 pakat, yaok pakat hu parabha jeng 3 nếp. Di dom danieng praong atau dom mbaoik gheng, pabah mbang jeng hu sarak dom phù điêu ndaong tagok, brei mboh thaot binguk dom tiên nữ siam binai, cim thần Krud pok tabung baha, pahai Yeak biak jhak, akaok yang Bayon 4 mbaok…ni lac dom thaot binguk tabiak meng hatai sahneng ka rai  di đức Phật song rai duik bhap bini urang Khmer klak ngak jeng janih gheih mekre biak karei ka boh baha.Abih di nyu nan lac di pabah mbang dom baha song jalan nao anak mbak chánh điện, bhian hu ngak dom drei ula  Naga mbeik rup di 2 gah kanyang brei mboh kol kanyah jhak njauk đức Phật ngak brei taduan lah, pang tui.  

Dalam ilamu di urang  Khmer, baha oh lac labik rah tabiak dom rirja roya di Phật giáo bo dok lac labik pato pakai, brei thau ka ilamu, daoh tamia, labik khik ramik akhar haroh Khmer, pandap panda, drap ar meng kan yau tapuk siphau vak angaok hala buông, dom rup patau Phật song abih di nyu nan lac sruh ghe ngo.Yaok sruh ghe ngo kayua sa baoh baha -lambaok ka sa atau rilo phum, sóc urang Khmer ngak tabiak , gam brei mboh bruk jum pataom gauk, gam ndung bak adat cambat tanarakun.Sruh ghe ngo di dom baha hu mong lac sa drap ar ndung bak ilamu meng kan di urang  Khmer Nam Bộ dok hu khik veik mbiah tal harei ni.

Tuk vak tapa baha Khmer lac labik taom gaok, ginum biai, me-in sambai, lac pasak di dom rija roya meng kan di bhap bini. Boh baha dok brei mboh dom siam mekre dalam ilamu, adat cambat tanarakum di urang Khmer Nam Bộ. /.

Urang lang: Hanipha- 15/12