Ndom tal pandap mbang di mikva miền Tây, yaok tabiak hu tal yaok rituh janih meng bu tal har. Di Sóc Trăng, langiu di har bánh Pía Vũng Thơm hu angan, manuac sia daok thau tal pandap mbang biak bingi cambuai nan lac har Cống. Har Cống bingi abih njauk ndom tal darak Đại Tâm, Kế Sách, Sóc Trăng, labik ini hu mong yau labik tabiak rai di janih har Cống. Har Cống Đại Tâm hu palih ruah dalam top 50 janih pandap mbang hu angan di Việt Nam. Jeng yau ralo janih har hu angan iew meng pandap ngak har yau har patei hu ngak meng patei, har hala panat hu kahong tapung har angaok hala panat, ye angan iew di har cống jeng yau nan.  Angan iew har cống tabiak meng pandap ngak har, hu bhap bani Khmer tuh har dalam baoh cống, (pandap piah đong đo lường chất lỏng) nan ye iew lac har cống.

Brah Tài Nguyên, ratak đậu nành, ratak naih, rilo thaok klik, akaok lasun tím saong anek hadang, lac dom janih piah ngak jeng har Cống. Yau ralo janih har hu ngak meng tapung brah, urang ngak har njauk tram brah tapa sa melam, kadha njauk biai nan lac har cống hu srau haong ratak đậu nành saong brah ba nao xay meng lathung xay patau, hu yau nan, kanduh har meng racam bingi. Tai har hu ngak meng rilo pabui kachaoh sit xào haong akaok lasun tím, nêm nếm gia vị gap mbang; ratak naih daok tamo asar saong anek hadang hu kahong tasak. Piah ngak tabiak sa baoh har cống, oh kurang hu khuôn meng baoh cống, dalam jaik 3cm, đường kính jaik 4cm, bhian ngak meng nhôm atau inox chịu nhiệt glaong.  

Urang ngak har meda brei sa tal tapung tame dalam cống tuh har, buh pabak ratak naih, rilo bằm srau haong akaok lasun tím, blaoh buh sa tal tapung tra, angaok abih nan lac anek hadang ba nao chiên dalam sa chảo menyek pandiak caik apui sit sit meda ngak ka har bánh cống racam kanyik katam.

Har cống bhian hu mbang haong njam metah saong tapok yau mbang bánh xèo. Brei sa klaih har cống tapok haong njam xà lách, cải xanh, diếp cá, rau thơm, húng lủi, tut haong aia mesin yamen metham, mbang mboh biak bingi, độ racam di kanduh har, langeim langeim di ratak naih, yamen yamen di rilo bầm saong anek hadang, lai tame njam metah, ngak ka urang mbang hamiat oh thau trei.

Harei ini, har cống di mikva Khmer Sóc Trăng, hu jeng pandap mbang biak takre di urang Yuan, urang Lo di ralo labik yau Cần Thơ, Bạc Liêu, bal raya Hồ Chí Minh. Janih har mbang ma-in min biak bingi ini di mikva urang Khmer Sóc Trăng oh mboh labik halei karei ngak har Cống tui samu./.