Chíp điện tử pagam angaok thẻ Căn cước công dân oh hu chức năng định vị, tui iek labik daok di bhap bani

Bruk khik ramik, pandar thong tin di bhap bani hu peih ngak njauk adat hukum. Bruk pandar thong tin bhap bani brei hu bruk njauk hatai di urang nan, lingiu di bruk adat hukum hu quy định karei. Meyah hu urang duah mek thong tin cá nhân oh njauk adat ye tui bruk ngak suan bo njauk taong phat tui adar hukum (taong phat hành chính atau truy tố hình sự).

Meng tuk ba tabiak, padang ngak Danak dak Cơ sở dữ liệu negar ka bol bhap, Mentri Công an hu tacei pato padang ngak hạ tầng, jalan truyền karei meng trung ương tal tỉnh, ban, hu jalan ngak piah pambuak pagam, klah rabha thong tin haong dom mentri, dom gah pambuak tal. Hệ thống hu khik kandauk biak glaong, rilo tal. Kayua yau nan ye nyu khik thong tin di bhap bani hu siam mekre, oh brei ka thei thau hu. Cơ sở dữ liệu negar ka bol bhap hu padang ngak di tanut glaong di abih ka bruk khik kandauk, siam mekre salamat. Hệ thống bhian hu dom jabat ngak bruk di Mentri Công an, Mentri Thông tin truyền thông pasang iek gah an ninh, oh brei thei meng gah langiu tame hu. Kayua yau nan ye, bhap bani meda sahanang hatai ka bruk khik kandauk dữ liệu thong tin bhap bani dân dalam Cơ sở dữ liệu quốc gia ka bol bhap.

Piah plaih bruk lợi dụng thong tin, bhap bani tuk pandar dữ liệu di drei brei takik klah rabha dom thong tin cá nhân (yau ye laik phon, số định danh cá nhân/số Căn cước công dân…) angaok mạng xã hội. Meyah njauk pabak thong tin, bhap bani njauk mong iek ka tính hợp pháp di jabat, kapul nyaom drei brei thau, saong brei hu panuac ieu khik kandauk thong tin cá nhân.

Anak dom suh sah di bhap bani ka bruk Căn cước công dân pagam chíp meda njauk urang karei tui iek, định vị hu labik daok di bhap bani? Trung tá Vũ Hoàng Đạt ndom lac: Chíp điện tử pagam angaok thẻ Căn cước công dân oh hu chức năng định vị, tui iek labik daok di bhap bani. Bruk pataom veik, pandar thông tin angaok chíp điện tử hu peih ngak njauk tui adat hukum Việt Nam ka khik kajap siam mekre, salamat thong tin./.

Urang lang: Jasi – 05/10