Mai veik hadei di mbang mesruh pacang Phun-rô, ngan haong ralo thương tích, ong K’Ten (bangsa K’Ho) daok di xã Hiệp An, huyện Đức Trọng, tỉnh Lâm Đồng jeng ndam gam haong ceik glai. Kayua glai oh lac labik pacang ka ong saong ayut sahabat dalam dom thun bilan mesruh metak rambah rambup, bo daok khik caga halau ia brei ka bruk ngak mbang pala drak, ba mai siam mekre, cảnh quan hùng vĩ ka bhummi ong. Ân nghĩa haong glai, nan ye dom pluh thun ini mai, thương binh K’Ten haong hadiuk di ong daok truuh dalam glai, pacang cakak kaol jah tak glai, khik caga dom phun thông bhong praong taha quý hiếm di bhum căn cứ cách mạng Núi Voi, huyện Đức Trọng, tỉnh Lâm Đồng. 

        Tamat adit padeih padei brei ka thương binh 4/4 di Pasak Điều dưỡng người có công tỉnh Lâm Đồng, di bal Đà Lạt, ong K’Ten samar bak ba lô mai veik haong ceik glai. Dalam baoh sang kayau  sitdaok di kreh glai phun thông hijao, mehit sap angin, sap cim, thương binh K’Ten khan veik: jaik 30 thun dahlau, jeng di labik căn cứ cách mạng Núi Voi ini, ong haong gah Công an Lâm Đồng, oh huac metai lihik, harei melam nao tame glai ram ceik dalam piah jak ba kol tàn quân Phun-rô. Tapa nan, ong njauk kaol Phun-rô phục kích, cuh njauk rambuis. Hadei di tuk hu đồng đội pasiam veik vết thương meng dom tacao hala glai, gha kayau, aia craoh, K’Ten daok veik mesruh  tal bilan 8 thun 1986, căn cứ puac abih di Phun-rô pak huyện Đức Trọng, tỉnh Lâm Đồng hu thu phục abih mbong. Chiến công nan, tui K’Ten lac ân nghĩa di glai. "Dahlau daih glai khik ka drei  mesruh pacang Phun-rô. Glai hu khik caga yau nan ye drei tavak sre glai. Drei tavak sre glai nan ye drei njauk bayar veik ka nyu, njauk hagait drei jeng halar hatian abih mbong. Sraiy glai ye drei njauk ba-yar. Ngan haong dam dara, anek kamuan njauk khik caga glai, juai jah tak glai ngak apuh; juai kayua jien, kayua kein laba di drei bo palai pajoa glai, nan lac oh njauk”

       Meng di nan, K’Ten daok veik haong glai; tok hadiuk saong daok di bhum căn cứ cách mạng Núi Voi, dalam huyện Đức Trọng, tỉnh Lâm Đồng. Baoh sang sit dom pluh mét vuông, hu ngak meng dom klaih kayau bruk, min lac tổ ấm di sang ong kreh ceik glai la-ar. Harei harei, K’Ten bak ba lô, pan gai jre nao pasang iek, khik caga 32 hec-ta glai hu jao brei. Daok diuk di ong lac amuk Ka Khuy kham merat pala tangeiy, bei pleim, pabam pajaih cà phê saong mong iek phun patei vil taom dhal sang piah pasiam rai diuk. Yaom lac daok haong pasang dalam glai dom pluh thun ini mai, min gaok tuk mai, amuk Ka Khuy jeng mboh duh hatai ka rai diuk kan kandah, gam anit ka pasang glaih glar. "Jeng ranam. Ong ndom lac dua diuk pasang drei thar vak yau nan paje thau ngak habar. Drei pachreih ong khik iek glai daok drei kathaot rambah ye oh njauk hagait. Drei juai hava, jah tak glai mek kayau glaih ralo. Min kaol nyu palimuk ong ralo. Nyu khin mai cuh sang danaok nan.”

      Hu daok dalam tuk yau Yuan lac  “rừng thiêng nước độc”, biak ralo kan kandah, rambah rambup, mesruh metak haong kol phản động Phun-rô hu giup phao ndao, biak manh động, min ong K’Ten oh huac hagait. Ong tuk halei jeng caga gaok kaol jah tak glai, yaom lac kaol nyu jhak tal halei, khin cuh sang ong atau mbuan metai lihik. Dom pluh thun tapa, K’Ten haong diuk kak kajap haong núi Voi, rai diuk yaom lac daok ralo kan kandah, glai glar; pren yava di urang thương binh langiu 60 thun daok patrun, min labaih 32 ha glai ong taduankhik iek jeng daok tamo, 59 phun thông bhong biak quý hiếm, yaok rituh thun jeng that hijao. K’Ten mboh biak njauk hatai, kayua drei daok ba-yar dhar phor ka glai, khik caga tài nguyên saong môi trường, cảnh quan hùng vĩ ka bhum căn cứ cách mạng núi Voi./.