Yaok harei hadei di tuk nao ngak puh puh mai, saai Blinh Thị Xiếc daok di huyện Đông Giang, tỉnh Quảng Nam caik tuk vak pato uranaih dalam palei tamia lagu Tung tung da dá. Saai Xiếc brei thau: "Dalam palei ni thei jeng thau tamia. Tamia biak kan nan ye drei njauk megru. Urang taha thau tamia pato veik ka uranaih. Yau hulin hu urang taha pato bloh hulin pato veik ka dom adei sit. Kayua hulin khin khik ramik ilamu meng kan piah hadei di ni nyu oh lihik nao ."

          Yaom lac oh hu ragam chreih chrai yau harei pataom ilamu min dom uranaih sit meng bahrau thau kabak tal umo 15,16 thun dok chreih chrai yam tui jalan tacei pato  di saai Xiếc. Thau tamia bloh min dom adei dok khin drei tamia mekre jang  piah hu tuk parang main anak bhap bini. Briu Lii, brei thau: "Adei biak takre bac tamia. Tamia biak kan, kan di abih lac labik nhún takai . Adei likau tame bac. Adei gam nao bac gam megru tamia. Adei takre megru tamia kayua ni lac tamia meng kan di urang Cơ Tu. Adei hu mboh dom adei saai, anai, wa tamia nan ye adei takre tamia. Adei khin tamia gheih, mekre yau dom anai, dom wa. ".

          Tung tung tui sap  Cơ Tu hu  makna lac tagok glong, khang kadang, song kak kajap jang. Ni jeng lac hatai khin  chinh phục vũ trụ, khin ka anek menuac hu rai duik bahrau siam mekre jang. Nan ye lagu Tung tung brei ka urang likei khang kadang, chreih chrai. Dok  Da dá hu makna lac tapak talei, lagu tamia ndung bak caong khin di hatung hatian uan raok dar phol po langik.  Saai  Tinh Pai, daok di  huyện Đông Giang brei thau: “Urang likei tamia brei mboh pren khang di drei, dok urang kamei tamia brei mboh hatai slut mbut. Urang ye tangin tagok glong lac piah thau dar phol po langik. Urang halei oh megru ye oh chat hu lagu tamia Tung tung dá dá.  Palak takai biak nhịp nhàng. Bruk prong di labik lac drei yam takai nao mai.  Palak takai yam nao mai siam ye ba rup song tangin di chuyển, tamia mekre jang.”

            Piah tamia Tung tung hu chreih chrai di kreih ceik glai praong, urang likei  Cơ Tu cuk khố, cuk sa blah aow meng khan bai , nao takai saoh, tangin pal kajap mbaik khiên, mbaik giáo atau pal kajap tangin ayut  dok tapen, ye tangin tagok gam yam nao gam  ieu sap khang song hùng dũng, brei mboh pren khang di urang likei palei. Dok urang kamei tuk tamia ye cuk khan bai  rilo sambo màu, bingu la, vai trần, takuai cuk kon  cườm. Tuk tamia, meta di urang kamei mong iek tapak, cambuai tuk halei jeng khim klao, nao takai saoh nhón kandol  nao vil val ngược chiều kim đồng hồ.

Dalam biak rilo lagu tamia, urang Cơ Tu takre di abih lac lagu tamia  Tung tung da dá. Tung tung da dá lac lagu tamia bhap bini brei mboh bruk rik pren di urang likei, urang dam song urang kamei hong kumei dara  Cơ Tu. Di labik ceik glai praong, vòng tròn dam dara likei kamei yam takai tamia chreih chrai gam song sap  cồng chiêng hong dom janih alat ragam meng kan karei menyi atah lai tame lingik tasik yau sa panuac likau di urang Cơ Tu payua tal po langik po tasik ong muk ong kei. Urang jia lac yang  taneh, yang  krong, yang chraoh brei ka urang mbang huak song  Giàng hu makna lac langik  brei ka urang hatai sahaneng , jia tame pren khang piah yam tapa, diukrai khang kadang haong pandiak, haongg hangin, haong ceik glai Trường Sơn praong, glaong./.