Urang Cam ban raya HCM ba drei tame ngak kinh te piah yam tagok

***

          Dom thun tapa, urang Cam di ban raya Hồ Chí Minh hu patagok pren khang pablei salih, patui dom kein lagaih mai meng bruk mbeik drei tame kinh te dunya piah yam tagok ngak kaya meda. Rilo sang hu peih nhà hàng Halal, pablei dom janih pandap mbang ka urang Islam di dunya. Langiu nhà hàng Halal, mikva Cam daok peih dom cửa hàng pablei khan ao angui cuk ka urang Islam, duh ka tuai du lịch mai meng dom taneh ia ye : Malaysia, Indonesia, dom  Tiểu Vương quốc Ả Rập thống nhất, Libi…hu ba mai kein laba glaong, ba bruk ngak ka rilo urang  Cam. Kadha vak di Ái Nghiêm, urang vak di rayo sap ndom VN daok di ban raya HCM ndom ka jak jeng tuk camereip di bruk pablei salih di mikva tukvak mbeik drei tame kinh te dunya :

        Di ban raya Hồ Chí Minh urak ini hu yaok rabau sang urang Cam pablei salih, peih nhà hàng Halal, cửa hàng khan ao angui cuk duh ka urang Islam, tuai du lich mai meng dom taneh ia ye :  Malaysia, Indonesia, Các Tiểu Vương quốc Ả Rập thống nhất, Libi…Meng bruk pablei salih ini hu ba jien tame biak rilo, rilo sang yam tagok ngak kaya meda.

            Di darak Bến Thành, quận 1 hu yaok pluh nhà hàng Halal saong cửa hàng khan ao lac di urang Cam. Sang ông Iba Rohiem daok di quận Phú Nhuận peih cửa hàng khan ao urang Islam di darak Bến Thành hu jaik 10 thun ini mai. Ông oh lac pablei khan ao cuk bo daok hu sheok me om ka urang kumei, kapiah saong sà rông ka urang likei Islam hu biak rilo tuai taneh ia langiu takre. Ông Iba Rohiem brei thau, akaok mereip, ông ngak dom pandap ini piah pablei iek. Livik livik harei, hu tuai đặt blei ralo nan ye ong peih xưởng ngak khan ao duh ka tuai du lich mai meng dom taneh ia Islam di dunya. Tapa dom thun peih praong bruk ngak mbang saong pablei salih, cửa hàng di ông yaok thun mek tame hu jien tỷ. Ông jeng hu ba  bruk ngak ka labaih 10 urang, yaok urang yaok bilan hu meng 4 tal 5 triệu đồng.

         Lingiu di bruk pablei khan ao di urang Islam, urang Cam di ban raya daok hu peih nhà hàng Halal – pablei dom janih pandap mbang ka urang Islam ngan saong yaok rituh janih pandap mbang menyum bingi di urang Cam. Bruk ini hu daong ka rilo urang Cam yam tagok ngak kaya meda,  rik daong khik ramik saong yaih khan ilamu mbang huak di bangsa Việt Nam tal tuai damuai dunya. Sa-ai Saroh, pô Quán Halal 641 Nguyễn Trãi, phường 11, quận 5, ban raya Hồ Chí Minh hu labaih 10 thun pablei salih. Quán di sa-ai yaok harei hu labaih 100 tuai negar lingiu yau ye: Campuchia, Malaysia, Indonesia, Các Tiểu Vương quốc Ả Rập thống nhất, Libi… Sang sa-ai Sa Roh yaok bilan duah hu labaih 100 triệu đồng meng quán pablei pandap mbang ini.

        Tui ong Lý Du Sô, urang dang akaok mBan lambaok urang Cam Islam ban raya Thành phố Hồ Chí Minh, urang Cam gheih bruk pablei salih, daok di ban raya Hồ Chí Minh lac sa pasak kinh tế praong di taneh ia, nan ye urang Cam pak ini samar ba drei tame bruk pablei salih, patagok pren khang di drei. Lingiu di nan, urang Cam pak ini daok thau pambak tame dom siam lagaih meng bruk mbeik drei tame dunya piah yam tagok ngak kaya meda.

    Dalam tukvak mbeik drei tame bruk ngak mbang kinh tế dunya, urang Cam di ban raya Hồ Chí Minh oh padeih kham merat yam tagok ngak kaya meda, ba bruk ngak ka yaok ribau urang ngak, rik daong tame bruk khik kajap an sinh xã hội di ban raya./.