Ong Thạch Bông, daok di palei Trà Bết, xa Ngọc Tố bahrau padeih radaih patuh di jalan đal bahrau hu padang blaoh, ong ndom mayai lac, jalan praong 3 met, atah labaih 1 km, hu buh jien tame padang atah di ini dom bilan daong mikva nao mai lagaih, rilo meng lac pajeng ba ndap nda kaya nong. Uranaih nao bac jeng biak lagaih. Ong Thạch Bông brei thau:

"Chreih chrai bui sambai lo. Jalan bahrau ngak laneing lanoi, jacih sa-at. Di ini pala phun kayau njam patam rilo, meng hu jalan, urah ikak kaiy mai blei tal labnnik. Dahlau diah ar ribaong ini tok hu dom tadai hala, urak ini mikva padang sang danaok preong laneing lanoi, jaik tal daok padang rilo veik."

Xa Ngọc Tố, ban Can Tho, hu padang meng bruk pagam 3 xa Ngọc Tố, Ngọc Đông saong Tham Đôn (huyen Mỹ Xuyên, tinh Soc Trang klak). Dalam nan, urang bangsa Khmer diukrai pataom rilo di xa Tham Đôn. Bruk duah jien di mikva rilo meng lac bruk pala padai, pala phun kayau njam patam saong raong glang.

Langiu di bruk kham merat uak drei tagok di rahra, mikva bangsa Khmer di ini daok tok hu bruk sangka di dom pakat karja tapa bruk daong phun jien, anek pajaih, pato pakai bruk ngak…, brei kein lagaih piah mikva tani tanat raidiuk, patagok kinh te.

Dalam bruk uan raok thun bahrau, ong Đinh Xuân Tươi, daok di puk Bưng Chụm, xa Ngọc Tố, brei thau: yaom lac bahrau patruh kathaot min kayua kurang ndap nda ngak mbang, tok hu 2 cong taneh pala phun kayau njam patam nan jien mek tame daok oh lagaih. Thau ka bruk nan, sa bilan dahlau, karja palei hu daong baoh sang ong 2 drei limo menek, daong baoh sang rahra hu jien mek tame suai atah. Ong Tươi brei mboh kham merat:

"Dahlau diah raidiuk dahlak oh lagaih, tok pambak tame bruk pala phun kayau njam patam di dua cong taneh, tuk njauk bilan, tuk lahik bilan, lahik yaom. Bahrau ini, Karja daong limo pajaih piah daong ngak mbang. Jalan ngak di dahlak lac kham marat patagok tapol limo ini, kham merat hu klau drei limo ine, yaok thun menek hu klau drei limo anek, piah hadei ini kinh te hu caong khin uak drei tagok."

Hadei di tuk ramik, pagam dom jabat karja, ban Can Tho urak ini hu labaih 411.000 urang bangsa Khmer, hu labaih 12,8% rahra dalam ban. Bruk patrun kathaot, paglaong raidiuk ka bhap bini bangsa takik tuk halei jeng hu bhum palei brei mboh lac bruk hu makna.

Thun ini, ban Can Tho hu yaih khan bruk ngak ka labaih 115.000 urang ngak bruk; Salah blaoh taong abih 100% jalan kuhria padang, pasiam labaih 11.000 baoh sang ka urang hu ngak bruk katmang meng jaman mesuh metak saong baoh sang kathaot, jaik kathaot. Urak ini, dom baoh sang kathaot trun daok 0,63%.

Tui bruk brei thau di Ong Nguyễn Văn Khởi, Phaok Akaok UB Bhap bini ban Can Tho, tukvak tapa, pakat uy, karja ban raya hu pataom jak ba saong patagok rilo abih dom gah rik daong piah sangka raidiuk, brei kein lagaih ka urang bangsa takik  sahnang hatai ngak mbang. Dalam nan njauk ndom mayai nan lac, Danak dak jalan ngak pakat negar patagok kinh te – xa hoi bhum urang bangsa takik saong bhum ceik tukvak thun 2021-2025 hu ngak saong daok ngak jeng bruk daong prein khang, ba mai dom bruk salih bahrau siam mekre di rilo gah. Dalam bruk kham merat padang sa Can Tho siam mekre, bahrau, ban raya daok sangka iek praong bruk khik ramik saong patagok dom ilamo siam gheih di urang bangsa takik, dalam nan hu bangsa Khmer.

"Tukvak tapa ban raya hu peih ngak rilo jalan langyah samu gauk piah khik ramik drap ar ilamo mboh di meta saong oh mboh di meta di bangsa Khmer yau ye: Dom tal bac sap bahsa saong akhar huroh Khmer di dom sang baha Bhat Nam tong hu khik tani tanat bhian, khik kajap sap bahsa di bhap bini Khmer jeng yau dom janih seni nghe thuat bhap bini yau ye janih seni Dù Kê, rô Băm, Phling ragam ragu Ngũ Âm, tamia Rom Vong saong dom seni bhap bini karei hu peih ngak saong ba tame parang iek dalam raya adat praong."

Mikva bangsa Khmer di ban Can Tho daok dak harei dak uak drei tagok, tani tanat raidiuk. Dom sarak bangsa, dom danak dak jalan ngak pakat negar hu peih ngak dil samu, gam bruk sa hatai, kham merat uak drei tagok di rahra, hu ngak saong daok ngak jeng mbaok meta bahrau ka bhum urang bangsa takik di ini./.