Di harei nyom biai, Tây Nguyên ieu lac sa labik hu ralo urang bangsa takik jeng ye hu ralo janih drap ar ilamu gheih makre. Ralo urang bangsa di dalam tỉnh jeng daok khik hu sap ndom mayai akhar huruh, khan ao meng kan di muk kei jeng ye ilamu adat cambat. Tapi min, tapa dom mayao mayit nao mai jeng ye kayua salih ilamu barau biak samar, ngak ka ralo janih ilamu bangsa dak harei dak kurang dak lahik druh. Dang anak kadha yau nan, bruk caga khik ilamu bangsa njauk pagam song jirah rivang, peih jalan ngak mbang karo kajap brei ka raidiuk harei harei.

Tiến sĩ Triệu Văn Thịnh, sang bac Đại học Văn Lang, di ban raya Hồ Chí Minh pok panuac lac: “Njauk pagam hu ilamu tame ndap nda kaya jirah rivang, khan patahau angan mbang huak, ndih daok. Dom bruk ngak nan piah mek ilamu, blaoh raong ilamu, khik caga patagok ilamu bangsa”.

Sa kadha karei jeng brei njauk caik hatai lac tal urang ngak gah văn học nghệ thuật bangsa takik daok lapih, kurang manuac tui pambuak; dalam tuk nan janih kadha brei ka văn nghệ sĩ, urang nghệ nhân dân gian dalam rapaneh akayat kdha, roh duah ilamu, pambak dom janih ilamu oh ka ganap song yom kom kadha di nyu. Bruk yaih khan, oh caik hatai, mbuan si laik tame mbaih mboh, chung suan asar ilamu praong prang di urang bangsa takik.

PGS,TS. Nguyễn Thế Kỷ, Phó Akaok kapul Hội đồng Lý luận Pakat nagar gam akaok kapul Lý luận phê bình văn học nghệ thuật brei thau lac, biai ginum tọa đàm ieu lac sa bruk ngak brei thau cambac jang bruk kadha ilamu văn học nghệ thuật dom bangsa takik daok di Tây Nguyên di jaman barau. Patui di nan brei thau cambac bruk ngak tui sarak karja di Đảng brei ka bruk padang gam song patagok ilamu văn học nghệ thuật, yam tal jalan ilamu chân - thiện - mỹ, ilamu siam makre karo kajap di bangsa.

 “Dom baoh kadha harei ini biak gheih siam, oh lac sa janih tamuh di darah hatai jai blaoh nyu daok ndam gam bak dom ilamu di bhum taneh ini. Nan ieu lac janih ilamu lý luận. Khok akau dahlak jeng patui mai bhum taneh ini piah roh duah thau ilamu seni bangsa takik Việt Nam, dalam nan hu ilamu bangsa bhum taneh Tây Nguyên”.

Ngak njauk ngak siam dom sarak karja jalan di Đảng, di karja nagar, dom tinh bhum taneh Tây Nguyên dalam nan khik pajap hatai caga ilamu seni dom bangsa takik yau ye peih dom janih bac magru rapaneh, peih bruk ginum biai, in ấn, pambak dom tapuk katap brei ka gah văn học nghệ thuật... Patui di nan, pamadeih brei ka urang ngak po di văn học nghệ thuật chreih hatai khik caga patagok kaya ngui drap ar praong glaong di bangsa drei./.