Bhapbini Cam di tỉnh Ninh Thuận daok caga ngak adat Rija negar – pauan thun barau. Adat ini hu abih urang Cam tui agama ahier saong Awar peih ngak piah raok thun barau. Rija negar bhian hu urang Cam peih ngak di dua harei Jip saong Suk di adit akaok bilan sa tui sakavi Cam, lac bilan 4 saka ia harei, tukvak bhian rah tabiak tua riya piah caong po yang ba hajan mai ka palei pala pala drak. Daa mikva saong grauk yut duah thau ka rija raok thun barau di urang Cam di tỉnh Ninh Thuận tapa kadha vak di Aí Nghiêm, urang vak di rayo sap ndom VN:

-Bhapbini Cam hu rilo rija akaok thun biak praong hu maong lac raok thun barau, nan lac: Rija Negar, Rija praong, Rija harei…dalam dom Rija, hu Rija Negar hu ieu lac rija akaok thun di dom palei Cam. Daok dom rija karei lac adat di talei pajaih saong di baoh sang. Rija Negar lac sa adat hu peih ngak akaok thun hu makna raok thun barau, palao thun klak. Rija Negar bhian hu urang Cam peih ngak di dua harei jip saong suk di adit akaok bilan sa tui sakavi Cam, lac kreih bilan 4 saka ia harei, tukvak bhian rah tabiak tua riya piah caong ka hajan siam angin lagaih ka sa bilan ngak padai hu padai ngak tangei hu tangei.

-Rija Negar hu peih ngak praong di dua harei lac harei jip daok ieu lac harei tame saong harei Suk daok ieu lac harei tabiak di adit akaok bilan sa tui sakavi Cam. Dahlau nan dom bruk kuhria caga ka adat ngak yang hu peih ngak tani tanat, abih di nyu nan lac adat palao hu peih ngak dahlau nan sa harei, lac harei But. Tui adat, harei jip paling menuk, harei Suk paling pabe. Yau nan ye urang Cam hu kadha “ tame menuk tabiak pabe”. Tui nan, dahlau  tukvak ngak yang tame ngak rija, rilo mikva ba gauk mai ba tui dom kaya paling yang hu: sa Thon hala (cổ bồng trầu), alak, baoh menuk gam saong dom pandap paling ye ndiuk, patei, menuk…tuk sap ginang tong tagok, sap kadet saranai tanyi tagok lac tuk tame ngak adat ngan saong dom ragam tamia kheih khang di ông ka –ing . Tuk nan ông Meduon gam pah Baranưng gam daoh dom kadha daoh thánh ca  daa dom po mai maong rija.

-Tui ông Imem Dương Điệp – sa halau janeng Cam daok di huyện Ninh Hải, tỉnh Ninh Thuận,  Rija Negar hu rilo bhapbini pataom mbaok tame, kayua nyu ndung bak saong khik ramik rilo yaom ilimo di urang Cam, dalam nan hu diễn xướng mengkan, daoh saong tamia:

Tamat Rija negar lac adat palao dua Salih hu mbeik meng tabung brah. Salih hu ông ka –ing ba trun kraong yau ye salih ka bhapbini palei ba nao dom ruak kik, kan kandah, glaih glan di thun klak, ba mai ka bhapbini patoah jamo, hajan siam angin lagaih, thun barau ngak padai hu padai ngak tangei hu tangei./.

Thúy Linh