Bruk batabiak pathau khan ka dom pakat ala 

Tui khoản 1 Paka 24 Hukum Cư trú 2020, dom bruk njauk kaoh angan tabiak truh labik thường trú, lac:      

-Oh hu mbaok di labik nan meng 12 bilan tagok bo oh tut angan di labik daok karei atau oh khan brei thau bruk drei oh daok di labik drei daok, oh kuhria bruk nao tabiak negar langiu min oh njauk lac piah daok veik atau bruk urang nan daok njauk guk, njauk ba tame labik pato pakai, labik cai nghiện, ba tame sang bac giáo dưỡng;  

-Hu jabat hu thẩm quyền brei padeih quốc tịch Việt Nam, mek veik quốc tịch Việt Nam, klaak harak brei tame quốc tịch Việt Nam;

-Urang hu tut angan daok di labik pah, nyim, gam daok min padeih bruk pah, nyim, gam daok hadei di 12 bilan min oh ka tut angan daok di labik daok bahrau;   

-Urang hu tut angan daok di labik daok njauk adat hukum hadei di nan salih quyền ngak po labik daok nan ka urang karei bo hadei di 12 bilan jeng oh ka tut angan di labik daok bahrau; urang hu tut angan daok di labik daok kayua pah, nyim, gam daok min padeih bruk pah, nyim, gam daok saong oh hu urang brei pah, brei nyim, brei gam daok njauk hatai brei khik tut angan daok di labik daok nan;  

-Urang tut angan daok di labik daok kayua drei ngak po min hu jao quyền ngak po nan ka urang karei saong oh hu po bahrau nan brei tut angan daok labik di labik daok nan;   

-Urang hu tut angan daok labik daok njauk yah klaak, njauk mek veik tui adat hukum di jabat karja hu thẩm quyền atau di labik njauk kaoh klaak angan labik tui adat hukum di karja./.

Urang lang: Jasi -21/9