Baking soda ngak brei trung hòa độ pH di kalik saong daong ngak brei takik katal

Ia dar ko pacang hu viêm, pacang hu vi khuẩn saong biak siam piah taong ruak langiu kalik, dalam nan meda hu pandar piah pasiam labik jamaok kaik. Mikva tok mek hasit ia dar ko tanjoh tagok labik jamaok kaik saong sah capat ka nyu takik barah. Caik dalam 5 tal 10 minit blaoh rao hacih meng ia la-an.       

Nha đam lac sa janih phun pala pasiam hu laka kalik. Gel nha đam pacang hu viêm saong daong pasiam laka, labik jum, labik barah. Piah pasiam labik jamaok kaik, drei kaoh binah sit di phun saong luk tapak tagok labik kalik njauk jamaok kaik.

Baking soda daok ieu lac jru sara, jru ndah, hu pandar ka rilo bruk saong ngak brei takik pandik kayua jamaok kaik. Baking soda ngak brei trung hòa độ pH di kalik saong daong ngak brei takik katal. Mikva buh dom tanjoh ia tame sa hanuai cà phê baking soda piah ngak jeng ia ma-mbeik. Luk ia ma-mbeik nan tagok labik kalik njauk jamoak kaik.

Hala jao di húng quế hu sa hợp chất ieu lac eugenol, meda ngak brei takik barah, takik pandik. Buh dom hala húng quế tame sa cavan ia saong riak ka nyu jru. Caik ka ia hổn hợp nan nyu la-an meneing. Njuk sa candaih samlei tame ia bloh sah tagok labik jamaok kaik meda ngak brei takik katal, takik barah.

Bingu cúc la mã pacang hu viêm, daong ngak brei takik katal, takik pandik, takik barah kayua côn trùng kaik. Mikva meda lai tea bingu cúc saong luk tagok labik kaik di jamaok atau lai jeng tea menei thảo mộc. Min hu menuac dị ứng haong bingu cúc nan ye piah hu salamat, brei luk iek dahlau hasit tea tagok mangaok labik kalik siam dahlau meng luk tame labik jamaok kaik.

Hala bạc hà pasiam hu labik jamaok kaik kayua nyu ngak brei la-an nan ye takik katal tuk luk tagok kalik. Bruk la-an ini nyu mai meng tinh dầu bạc hà hu dalam hala, jeng ngak brei takik pandik. Piah pandar hala that, drei tok saok kalik hasit hala saong tauk tagok labik kaik di jamoak mbiah tal tuk labik katal nan nyu lahik abih./.

Urang lang: M. Phuong – 01/09