Mintri Y tế brei thau, mai meng bruk El Nino, meng akaok thun tal ini, langik di negar drei hu pandiak bhang dui atah; pandiak bhang, kurang ia, mbak njom tame di rilo bhum palei, abih di nyu nan lac Bhum taneran kraong Cửu Long, gah kreih negar saong bhum Tây Nguyên. Kayua yau nan ye, rahra meda gaok dom bruk oh siam ka prein yava yau ye mebuk pandiak atau dot quy kayua pandiak.

Makna rilo meng lac kayua rahra daok biak suai atau ngak bruk suai di langik pandiak, nhiet do glaong atau kayua salih nhiet do ngak bruk chip.

Dom urang mbuan gaok bruk oh siam ka prein yava dalam bilan pandiak lac urang taha, uranaih sit, kumei matain, dom menuac ngak bruk, pasram pahat rup biak trak di langiu langik pandiak suai atau dalam labik biak pandiak pa-uh yau urang ngak nong, urang ngak di dom ging ngak kraik, lò luyện gang thép...

Dom menuac hu dom ruak lavik dalam rup yau tagok darah, ruak phổi tắc nghẽn mạn tính, hen phế quản, ruak ma-ik saradang,… jeng mbuan gaok dom bruk oh siam ka prein yava kayua langik pandiak.

Tui Mintri Y tế, dom bruk oh siam ka prein yava bhian gaok dalam bilan pandiak daok kayua tukvak daok di langik pandiak, tanut tagok nhiet do dalam rup pabhap.

Tanut hanjul yau glaih glar, mahu ia, havieng akaok, baoh hatai paoh samar, suak yava samar, kateik drei, paok cada, chuột rút.

Tanut trak yau pandik akaok biak khang, kan suak yava, khin taglaoh ta-ok, parin lamin mateh rup, handaoh rup, var drei jan, oh daok thau hagait, baoh hatai paoh samar, trun darah… saong meda ba tal metai.

Mayah urang njauk bala mboh hu dom janih tanut trak, rahra njauk ieu phone chip ieu cấp cứu 115 atau samar drah ba urang njauk bala nao tal labik y te jaik abih. Njauk caik hatai lac dalam tuk pajeng bhian uh laar ka urang njauk bala.

Cục Khik ramik bruk y te jeng kakei rahra, njauk patakik tabiak langik langiu, abih di nyu nan lac dalam tukvak meng maong 10 page tal maong 4 bier harei.

Dom urang daok ngak bruk dalam bilik điều hòa nhiệt độ bier oh tabiak langiu pandiak chip, bo cang sa tukvak piah ka rup pabhap lagaih haong labik gah langiu meng jalan lac tagok nhiệt độ điều hòa dalam bilik atau daok padeih dalam labik halui dahlau di tuk tabiak gah langiu langik.

Cuk khan aw sambo mau hadah, lanieng lanoi, samar thu ia hauk saong njauk manyum ia takik di nyu 1,5-2 lít sa harei. Brei manyum jeng rilo mbang dalam harei, oh manyum biak rilo ia dalam sa mbang.

Takik brei rup gaok pandiak, abih di nyu nan lac labik tacoi. Cuk dom pandap pacang ka rup pabhap tuk ngak bruk di langiu langik pandiak yau khan aw daong khik tuk ngak bruk, tamo, kreih camin. Cuk khan aw praong, lanieng lanoi saong samar njaom ia hauk.

Oh manyum dom janih hu cồn. Brei manyum ia gam gam dalam luac tukvak ngak bruk. Abih di nyyu nan lac, brei manyum dom janih ia hu pabak sara saong janih khoáng chất yau ye Oresol ngan haong dom urang tabiak rilo ia hauk dalam tuk ngak bruk./.