Ka 1: Menei hadei di tuk nao pandiak mai
Hadei di tuk ngak bruk langiu langik pandiak, rup tabiak rilo ia hauk ngak ka drei kan daok, kol drei bhian nao menei ia hadei di tuk meng gah langiu mai tame sang, ini lac sa bhian randap di rilo menuac. Bruk menei hadei di tuk daok di langiu pandiak mai nyu ngak ka pandiak dalam rup trun samar, ngak ka gilaong bilau saong rak darah sit veik, meng nan nyu ngak catang jalan darah nduac, ba tal cảm la-an. Dreih yau nan, hadei di tuk pasram pahat rup, me-in thể thao blaoh jeng oh menei ia la-an chip, dom rak darah sit daok raak tabiak piah tathuak pandiak, rup gaok ia la-an, rak darah gah langiu nyu khang veik, ngak ka huyết áp tagok, mbuan ngak brei đột quỵ.
Ka 2: Caik kadik atau jamriak la-an yuk tapak tame rup
Nhiệt độ tagok glaong di harei pandiak ngak ka rup mboh pandiak pa-uh, tuk ini kadik atau jamriak la-an hu urang pandar rilo di abih. Min rilo menuac dalam kol drei bhian daok la tapak di mala jamriak la-an atau kadik piah samar ngak brei lahei. Ini lac sa bhian randap oh siam, kayua tuk ini rup tabiak rilo ia hauk, ngak ka dom rak darah mala klik raak tabiak piah tathuak pandiak. Meyah caik ka ngin praong yuk tapak tame rup ye ia hauk nyu bốc hơi khang, meng nan nyu ngak brei pandiak langiu klik trun saong dom rak darah catang veik jip dalam tuk nhiệt độ gah dalam rup oh ka tani tanat. Ini lac makna ba tal lahik bruk tani tanat di nhiệt độ gah dalam saong gah langiu. Nan ye hadei di tuk dang tagok, drei mbuan njauk bhang mata, having akaok atau đột quỵ pak di labik.
Ka 3: Caik nhiệt độ jamriak la-an biak biar
Kol drei jhui caik jamriak la-an di nhiệt độ biak biar. Kayua lac rup meng pandiak tapa la-an meda ngak brei having. Tuk daok dalam bilik hu jamriak la-an, ia hauk oh bốc hơi hu, nan ye ia hauk mbuan njaom tame veik saong ngak brei cảm la-an. Rak darah khang veik samar drah mbuan ngak brei tagaok darah saong mbuan ba tal đột quỵ.
Ka 4: Menyum ia patau la-an rilo hadei di tuk nao pandiak mai
Menyum sa khlih ia patau la-an atau mbang sa mbaik kem tuk nao meng gah langiu pandiak tame meda daong patrun pandiak, min hadei di nan nyu ngak ka rup di drei pandiak veik saong mbuan ba tal sốc nhiệt, đột quỵ. Siam di abih lac mai sang daok la padeih padei saong mek sa cavan ia la-an menyum piah patrun mehu ia saong khik tani tanat ka pandiak di rup.
Ka 5: Takik menyum ia
Lahik ia lac makna dang akaok ba tal đột quỵ tuk langik pandiak pa-uh, abih di nyu nan lac urang praong thun. Kol drei brei menyum ginup ia yaok harei, meyah ngak bruk langiu langik, me-in thể thao, ngak bruk mala pandiak, drei njauk menyum rilo ia jang piah pabak ka ia lahik nao.
Ka 6: Ngak bruk tapa prein
Ngak bruk glaih tapa prein jeng lac sa bhian randap mbuan ba tal đột quỵ tuk langik pandiak. Kayua dom bruk ini jeng ngak ka rup lahik ia, mbuan mabuk pandiak. Abih di nyu lac di dom menuac hu dom ruak ba tal nhồi máu não atau pacah rak darah glo akaok, mbuan đột quỵ rilo jang.
Yau nan, ngak habar piah pacang caga đột quỵ kayua pandiak pa-uh
Kol drei mada pacang caga đột quỵ kayua pandiak pa-uh meng dom salih karei sit dalam raidiuk yaok harei. Takik tabiak jalan di tuk pandiak khang (meng mon 10 tal mon 4 biar harei), abih di nyu lac urang praong thun. Tuk pandar jamriak la-an, nhiệt độ dalam bilik saong gah langiu oh glaong biar jang gauk 7 độ C. Pacang pandiak tuk tabiak gah langiu.
Menyum ginup ia yaok harei (meng sa lit meteh tal dua lít ia sa harei, atau meng 2,7 - 3,7 lít/ sa harei ka urang likei ngak bruk trak gam gam)
Takik ngak dom bruk langiu langik, takik pasram pahat rup rilo. Tuk mboh rup glaih glar, prein yava oh siam, atau mboh yau mbuan ba tal đột quỵ, njauk ieu urang ba nao tal labik y tế jaik di abih piah samar hu daong brei./.
Viết bình luận