Menuac sia bhian saneng lac biak mbuan njauk ruak gila maharoi meyah njuak asau, mangiu atau anek athur raong hu virut gila maharoi kaik, min biak di nyu tok njauk dom anek athur hu virut ruak gila maharoi kawaic jeng biak mbuan si matai.
Mangiu mada hu virut di dalam pabah jeng ye di mangaok kakau nyu, mayah virut njom tame rup manuac kayua kawaic, meda ngak brei njom anek ruak haong pandik, barah, pandiak rup jeng ye tamuh dom janih karei.
Tuk njauk mangiu kawaic bhian mboh pandik, barah di labih kawaic atau labik kaik nan; bhong mariah di kalik; Pandiak dalam rup; Mboh glaih glar, mboh kan daok; Jeng hu urang mangiu kaik mboh huac njom anek ruak atau ruak gila maharoi.
Dom janih mada tamuh tabiak hadei di mangiu kawaic
- Njom anek ruak: Mayah laka oh ieik glang njauk mada njom virut. Anek virut di dalam pabah anek mangiu mada ba tabiak ralo janih njom anek ruak, pagap ye njom anek ruak kulik, njom anek ruak darah, mariah bhong kulik, viem xoang saong viem phoi.
- Njom bagun atau ula apui: Dom janih anek ula apui atau bagun dalam tian mangiu mada mbak tapa manuac urang mayah mangiu nyu kawaic atau kaik, ngak ka urang mboh pandiak hatian, khin taglaoh ta-ok haong aih chraoh.
- Kurang prein caga jit: dom roh duah mboh lac urang njauk mangiu kawaic mada trun prein caga ruak.
- Ruak maharoi gila: Mayah mangiu oh hu menuac raong atau mangiu oh ka hu klauk jru caga ruak gila maharoi kawaic atau kaik manuac, nyu mada mbaak anek ruak gila ruak maharoi. Ruak maharoi gila ieu lac sa janih ruak bala praong jeng ye mada ngak ka urang ruak var drei, ndaoh rup, kan suak yawa mbuan si matai.
Ruak maharoi gila kayua virut tamuh tabiak, mayah urang njom anek virut oh hu klauk jru caga ruak, mboh lac matai abih (100%). Kayua yau nan ye, mayah hu anek hagait kaik, laih atau kawaic ... njauk saman brei rao laka haong sabon, rao ia hacih ia nduac dalam 10 - 15 minit.
Laka di nyu brei rao hacih saat haong akol 70% atau akol iod, hadei di nan brei ba nao jabat y tế ieik ruak ka drah meng siam. Tuk njauk asau mangiu kaik, oh mek dom janih tauk tamek laka yau ye tapung amriak, ia papait, katak kayau, axit atau kiềm. Oh brei papaok, tauk jru se angaok laka.
Mayah raong asau, mangiu bo oh klauk jru caga ye biak mbuan njuak ruak maharoi gila. Kayua lac dom athur, abih di nyu lac asau, mangiu bhian mek tikuh gam virut gila maharoi. Anek virut ini hu ralo di dalam alam tapa ia pabah sau haong magiu.
Juai iek lap asau, mangiu raong dalam sang
Urak ini hu ralo asau, mangiu di ralo labik dalam taneh ia daok njom ruak gila maharoi. Ralo urang bhian saneng lac asau, mangiu raong di sang saluot mbuot, haci hacih nan ye takik caik hatai tuk asau mangiu di drei kaik atau asau mangiu di sang jaik taphia kaik, ba tal njauk ruak gila maharoi.
Piah caga ruak gila maharoi njom mbak tapa manuac urang, dalau di abih njauk sangka ieik caga tal asau mangiu. Tui tacei pato di labik ngak vaccine, min tapi bhian di nyu urang raong asau, mangiu njauk brei klauk 2 mbang vaccine ka asau, mangiu dalam 6 bilan, mboh siam ka nyu hadei di klauk jru caga ka asau, magiu lac 3 thun./.
Viết bình luận