Mebuk pandiak lac bruk tagok pandiak dalam rup kayua nhiet do langiu langik tagok glaong atau ngak bruk tapa prein, ngak brei rup pandiak khang oh pasang iek hu.

Mebuk pandiak daok ieu lac sốc nhiệt (heat troke) lac bruk rup tagaok pandiak biak glaong (glaong jang 40 độ C) ba tal glaih glar dom labik dalam rup yau ye glo akaok, tuần hoàn, suak yava kayua njauk pandiak, atau ngak bruk di gah langiu biak trak, tapa prein.

Mebuk pandiak ba tal tagok pandiak rup pabhap saong gaok tal rak darah thần kinh trung ương. Tui nan mboh rup pandiak glaong jang 40 độ C saong lamin trun samar drah chức năng thần kinh. Cambaih laih lac:

Dom dấu hiệu hanjul tuk camriep lac baoh hatai magei samar, suak yava samar, bhong kalik, patuh ia hauk, bhang mata, having akaok, pandik akaok, khin taglaoh ta-aok. Dom urang taha dom dấu hiệu nan bhian takik mboh saong oh rahtabiak rilo di tuk camereip.

Dom kadha nan nyu trak jang meyah oh hu langyah samar drah, ba tal: trun darah, sarau kadau glo akaok, oh daok thau hagait, handaoh rup saik saong var drei jan. Tuk rup pandiak biak glaong daok ngak brei lahik ia biak trak, meda tabiak darah.

Sa bruk njauk ndom tal lac dalam 1 maong hadei di tuk njauk mebuk pandiak trak, ieu lac “tukvak ameh” piah cấp cứu, kayua lac mayah cấp cứu chip dalam tukvak ini, prein yava hu siam veik abih. Kayua yau nan ye, dalam cấp cứu mabuk pandiak,  biak caik hatai tal bruk cấp cứu tuk camriep di labik mebuk pandiak. Meng yaok jalan ngak, brei patrun pandiak ka rup pabhap dalam tukvak ameh. Njauk caik hatai tuk angaok jalan pajeng ba urang ruak jeng brei khik bruk cấp cứu cơ bản, dalam nan biak caik hatai tal dom jalan ngak ka rup trun pandiak.

Tuk gaok manuac njauk mebuk pandiak, kol drei brei ngak dom bruk hadei di ini:

Ba urang ruak tame labik halui, laneing laheii (labik mala halui, tagok radaih laar atau sang lahei…), gam haong nan brei ieu menuac daong, abih di nyu nan lac ieu cấp cứu mai daong.

Peih jalan suak yava, hô hấp nhân tạo saong kateik baoh hatai langiu cada mayah urang ruak oh daok thau hagait, oh daok megei rak darah.

Ngak brei la-an chip piah trun pandiak ka rup pabhap:

- Dut iek pandiak di rup mayah hu nhiệt kế.

- Taoh talaih khan aw saong tauk ia pandao tagok rup urang ruak, hadei di nan peih kandik ka nyu tabiak pandaik samar (urang ruak njauk ndih pleng atau ndok rup urang ruak tgaok, tangin caik di patal piah ka mbaok kalik meda gaok hu rilo hangin dak siam.

Tauk khan laar, atau caik paok ia patau tame plak pa-ak, calah pha, takoi.

Brei manyum rilo ia atau janih ia điện giải mayah urang ruak daok thau saong meda manyum hu.

Pajeng urang ruak meng radaih điều hòa atau peih pambang tho, tuk pajeng brei ngak patrun pandiak ka urang ruak./.