Meng akaok thun tal ini, dalam taneh ia hu 22 urang matai kayua njauk asa gilai kaik, rilo jang dua mbang duk haong tukvak ini thun blaoh. Taphia nan, hu labaih 100.000 urang brei klauk vaccine pacang ruak gila kayua njauk asau, mengiu kaik. Dom bruk urang njauk asau kaik jaik ini brei mboh lac mbuan ba tal njauk ruak meruai, ruak gila meyah urang njauk asau kaik oh nao khám saong klauk vaccine pacang ruak gila chip.

Bruk pasiam labik laka hadei di tuk njauk asau kaik lac hu makna biak praong, lac bruk daong pasiam prein yava hadei ini di urang ruak. 

Dom janih laka kayua athur kaik, lac:

*Haluh tahak, saluah, jum jhuk atau brah tagok

Dom laka sit drei meda ngak eng di sang. Min dom laka praong, dalam atau tahak, drei njauk nao tal labik y tế piah hu langyah njauk jalan. 

Mala ini lac 6 bruk njauk ngak hadei di tuk njauk asau kaik:

Bruk ngak ka 1: Kak catang oh brei darah nduac meyah labik laka daok hu darah nduac, sraiy

-Mek khan hacih pacang saong mek tangin kateik khang tagok labik laka dalam 15 minit. 

-Mek sa blah siuk hacih pagul veik, papaok tapak tagok labik njauk asau meyao kaik.

-Mek băng thun kak vil val blah siuk papaok piah khik ka nyu oh laik trun, oh kak khang piah ka darah nyu nduac hu.

-Meyah labik laka darah daok nduac sraiy rilo, njom tapa băng; drei meda pandar băng ka 2 piah pacang ka blah băng camereip. Tuk njom pasah abih băng saong blah siuk, drei tok salih băng ka 2 daok gah langiu.

Bruk ngak ka 2: Meyah labik kaik oh nduac sraiy darah, drei rao hacih labik kaik mala vòi ia dalam 15 minit haong sabon, atau ia hacih, hadei di nan sát khuẩn meng cồn 45°-70° atau cồn i ốt piah ngak trun biar di abih dom virus gila di labik kaik. Meda pandar dom janih yau ye alak, cồn, sabon, menyek raco kaok, menyek menei ia piah rao chip labik kaik. Bruk rao ia labik laka hu makna biak praong meyah drei asau njauk ruak gila. Hadei di tuk rao ia, uak ka nyu thu meng khan hacih, papaok veik meng băng vô trùng atau sa blah siuk thu hacih.

Bruk ngak ka 3: Nao tal labik y tế daok jaik di abih piah hu ngak hacih labik laka, cakak klaak dom mô khut, padeih jhik labik laka meyah hu. Langiu di nan, dom urang y tế brei pok glaong saong cố định chi meyah labik kaik brah rilo.

Ka 4: Meyah mboh labik kaik yau nhiễm trùng, dom bác sĩ meda mek laneh atau phết labik laka piah dut iek nuôi cấy vi trùng. Gam haong nan, bác sĩ brei jru kháng sinh iek tui bruk nhiễm trùng di labik laka.

Ka 5: Klauk vaccine:

Ka 6:  Tui iek menuac njauk asau kaik saong asau kaik menuac

Yaok harei njauk pasang iek labik sau kaik piah mboh piah thau dom bruk njauk nhiễm trùng yau ye pandik dak harei dak rilo jang, bhong meriah, barah atau sraiy ia laneh.

Tui iek asau takik di abih lac dalam 10 harei. Tuk oh tui iek hu asau, kayua asau nan oh thau meng halei mai atau nyu nduac lahik, atau tuk nyu mboh yau ruak gila, brei samar drah nao tal labik y tế piah hu tacei pato jalan taong ruak patui di nan./.