Tuk taha nao, kol drei mbuan gaok dom salih karei dalam bruk mahu pandap mbang. Rup drei jeng njaom dinh duong tame karei di gauk. Meng bruk pilih ruah pandap mbang siam ka prein yava saong pambuak 6 janih pandap mbang hu makna praong dalam bruk mbang manyum di urang praong thun meda pabak ka rup pabhap dom vitamin, khoáng chất saong janih dinh dưỡng njauk hu piah tuk halei jeng siam makre saong khang kadang yaom lac umo thun halei.
Dom janih pandap mbang bo urang praong thun njauk mbang piah hu prein yava khang kadang lac:
Protein thar
Protein pabak rilo năng lượng jang saong daong khik tani tanat ka baoh patih saong daong ka prein yava hu khang kadang. Kham marat mbang meng dua tal 3 paok protein yaok harei yau ye ralaow limo thar, ralaow pabo atau ralaow pabui; ralaow manuk thar atau manuk prang; ikan that, caik laar atau pandap caik tame pa-op; baoh manuk ada, dom janih ratak, baoh hạch saong dom janih asar oh hu sara.
Chất xơ
Chất xơ biak hu makna ngan haong prein yava di tung pruac, pandap mbang hu rilo janih chất xơ ngak pasiam jalan tung pruac daong trun táo bón saong meda patrun bruk mbuan gaok ruak ma-ik saradang saong ruak ung thư. Pandap mbang hu rilo chất xơ dalam nan hu dom ngũ cốc daok tamo asal, brah lứt, bánh mì tamo asal, baoh kayau lapih kalik, njam patam saong bei prang daok kanduh.
Acid béo omega-3
Ikan hồi, ikan mòi, ikan laya, ikan thu, asal lanh saong đậu nành jeng hu rilo acid limek omega-3. Dom acid limek ini khik ka rup khang kadang tuk taha nao meng bruk ngak brei trun meneing atau pacang caga njauk laka.
Canxi
Canxi lac sa binah biak hu yaom glaong di dinh duong siam. Talang nyu lamin racam jang tui umo thun, nan lac makna yau habar bo urang praong thun njauk pabak canxi rilo jang. Janih Khoáng chất ini daong pakhang talang saong patrun bruk mbuan njauk lamin talang. Njauk pambuak rilo pandap mbang hu rilo canxi dalam var mbang yaok harei meng bruk mbang sữa chua, phô mai, ia tasau saong dom janih njam hala hijao đậm.
Sắt
Sắt daong ka darah ba rilo oxy nao grauk labik di rup pabhap saong pasiam năng lượng. Pandap mbang hu rilo janih sắt lac ralaow thar, baoh manuk, ada, ratak, đậu lăng, njam hala hijao đậm (njam takai ada) saong ngũ cốc, meda daong pabak năng lượng ka urang praong thun, caga kurang darah.
Dom janih Vitamin saong khoáng chất jeng biak siam ka prein yava urang praong thun.
Khi có tuổi, có thể thấy mình ăn ít hơn vì không còn năng động như trước. Mặc dù vậy, điều quan trọng bà con vẫn phải ăn ba bữa một ngày để duy trì năng lượng và sức khỏe. Nếu không đói, hãy thử ăn ba bữa nhỏ, cân bằng với các món ăn nhẹ lành mạnh ở giữa.
Tuk taha, praong thun, meda mboh drei mbang takik jang kayua oh daok sami samar yau dahlau deih. Yaom lac yau nan, bruk hu makna praong lac mikbva njauk mbang klau mbang sa harei piah khik tani tanat ka prein yava. Mayah oh mboh lapa, njauk mbang klau var sit, tani tanat dom pandap mbang siam ka prein yava di var kreih.
Khik tani tanat ka prein yava meng bruk diukrai khang kadang saong mbang manyum siam makre, ndih ginup tuk saong pacang plaih dom bruk ba tal catang glo akaok, haduh hatai.
Njauk sami samar, nao mai, ngak bruk meng 10-15 minit dom mbang dalam sa harei, duah jalan piah tuk halei jeng sami samar saong siam lagaih, bui sambai.
Meng bruk pabak tame dom pandap mbang siam ka prein yava di var mbang, meda pambak tame dom siam lagaih di prein yava meng bruk mbang manyum siam makre. Saong mayah mboh lac drei oh pabak ginup dom janih dinh duong meng pandap mbang, njauk nao tal bác sĩ piah hu tacei jalan ka bruk pabak janih dinh duong tame var mbang huak yaok harei./.
Viết bình luận