Taong ruak viêm gan, mật, kanjik kalik: hala atisô that 50g, atau 10g hala thu, tram ia pandiak atau riak manyum dalam harei.

Taong ruak viêm gan vi rút: hala atisô 10g, diệp hạ châu đắng, nhân trần, yaok janih 12g, riak manyum harei sa gaok.

Trun pandiak rup pabhap, giải độc gan: mek 2 paok bingu Atiso praong, 3,5 lít ia, 1 paok hala dứa, 60 gram saradang lakhun. Dom pandap ini brei ngak hacih dahlau meng riak. Brei paok bingu Atiso (hu cakak klaak gha) buh tame gaok ia daok jru, riak tal tuk halei bingu Atiso lamar. Buh hala dứa (hu pagul veik atau kak veik) saong saradang lakhun tame gaok saongriak veik 10 minit. Puac abih, halang klak kat,  cang ia laar blaoh tuh tame kalaok, caik dalam tu laar piah manyum. Meda manyum salih ka ia nước suối, manyum yaok harei piah trun pandiak ka rup pabhap, abih di nyu nan lac di dom harei pandiak.

Taong ralai jru mek dalam gan, patagok bruk ngak di gan: brei 50g bingu Atiso, 100g tai pabui saong gia vị mbiah ginup. Riak Atiso haong tai pabui yau dom janih ia bai karei saong mbang yaok harei meng 1 – 2 mbang, saong mbang gam gam dalam 5 tal 10 harei piah ba mai siam lagaih samar drah.

Trun cholesterol dalam darah: Pandar 40g phun Atiso, 40g gha, 20g paok bingu ba nao pabu thu saong thaok klik. Sarau 2g sa mbang haong ia pandiak saong manyum salih ka ia tea. Meda pandar 50g paok bingu pabu thu saong thaok klik. Langiu di nan, drei meda pandar bingu Atiso riak haong dom pandap karei yau ye takai pabui, pabak tame var mbang yaok harei, gam hu var mbang bingi gam lac piah taong ruak.

Taong ruak barah saong thấp khớp: hala atisô 10g, thổ phục linh, ngưu tất, kim tiền thảo, yaok janih 12g. Riak manyum, sa harei sa gaok.

Taong ruak ma-ik saradang: mek 50g bingu Atiso, 100g bei prang, 50g cà rốt, 150g talang pabui saong gia vị mbiah ginup. Hadei di tuk ngak hacih saong cakak sit dom pandap nan, hầm talang ka nyu tathak blaoh buh dom pandap daok veik, tawa ka nyu mbiah mbang. Mbang yaok harei 1 mbang saong mbang gam meng 5 tal 10 harei.

Njauk caik hatai lac

Oh pandar biak rilo phun atiso, mayah pandar biak rilo meda ba tal dom bruk oh siam yau ye ngak jhak tal gan, tian sadah ngin, rup pabhap glaih glar,…

Phun atiso hu dom tal bilau sit, mayah gaok rilo meda ngak brei katal kalik, bhong meriah kalik. Oh brei pandar phun atiso ka dom urang dị ứng atau mbuan katal haong dom janih hu dalam phun.

Urang njauk gar ống mật, njauk sỏi mật oh brei pandar phun atiso. Dom urang daok pandar sara pasei jeng oh brei pandar phun atiso, kayua atiso meda pacang bruk njaom tame sara pasei nan. Bhian tui iek hàm lượng cholesterol hu dalam darah.

Urang kumei matain saong urang daok brei ka anek maom njauk sua tangi bac si dahlau di tuk pandar./.