Tagei hu 3 tal meng langiu tame dalam he men tagei, bala tagei saong darah tagei. Bhian di nyu mboh men tagei papaok bala tagei min meyah tal men tagei haluh ye kurang prein pacang khik bala paok tagei…

Dom janih bhian mboh ngak brei pandik tagei, yau ye:

Pahacih pabah tagei oh njauk: pandar gai cah tagei khang, braoh tagei cah tagei catang tangin ngak ka takuai tagei mbuan si hluh ngak ka ling tagei saong ngak mblo takai tagei.

Mbang dom janih mbang mesam, pandap kaya mbang hu axit rilo mada mbuan ngak ka haluh men tagei.

Garik ctgei, prein garik khang gam gam jeng ngak ka mbaok mameh di tagei haluk.

Halak mbang tagei, dom gilaong halak mbang di tagei lawik harei meyah dalam tame darah tagei ngak mblo talei arak di dalam darah tagei ngak ka brei tagei pandik.

Pandik cao tagei jeng ieu lac sa janih ruka ngak pandik di kakai ling, tagei ngak talang saong dom janih piah khik kajap tagei, ngak mblo takai tagei.

Tuk tagei pandik harao, mikva brei njauk caik hatai ngak:

Tuk tagei pandik, mikva brei pahacih brei ka sa-at tagei ka njauk. Braoh tagei cah tagei haong jru ka tagei, takik abih di nyu hu 2 mbang dalam sa harei dalam tuk medeih masup page saong dahlau di tuk ndih melam. Pandar gai cah tagei hu balau lamar saong braoh tagei cah tagei tui gavang vil brei biak njuel njac, juai cah cagar nao cagar mai ngak mbuan si haluh takuai tagei.

Tuk tagei pandik harao, mikva brei patakik mbang dom pandap mbang hu saradang saong pandap menyum hu gas kayua dom janih hu saradang mbuan ngak kan kandah tal tagei, ngak tagei mbuan pandik. Meyah bhian mbang dom pandap mbang hu saradang jeng ye oh bhian pahacih sa-at tagei ka njauk lagaih, meda mbuan ngak pandik ka tagei, ling.

Bhian mbang dom pandap mbang hu rilo axit yau ye baoh pa-aok, ga-al, kruac, tamun masam,... meda mbuan si ngak haluh tagei. Meng di nan ngak ka pandik tagei tuk mbang memeh.

Bruk kurang vitamin jeng mbuan ngak brei ka halak mbang tagei kayua tagei oh daok khang. Kayua yau nan ye, mikva brei mbang huak, menyum ka samu, ka ganap ka njauk, ka siam mekre meng bruk mbang rilo njam patam, pandap mbang hu rilo janih xơ, ia tasau mesam, pho mai saong ia tasau. Mbang dom pandap mbang siam ka cagei yau pandap mbang hu rilo canxi, pandap mbang hu rilo janih xơ, ngũ cốc tamo asar, njam patam.

Pandar jru braoh tagei ka tagei pandik, kayua janih jru ini ngak brei patrun pandik dalam masa panak katut, pacang khik tagei, caga halak mbang tagei saong dom janih nerak ndam pagam di tagei. Langiu di nan, jru cah tagei brei trun pandik meda caga bruk pandik tal talei arak. Langiu di nan, meda pandar gel pacang pandik piak luk tagok tagei pandik tui panuac kakei di bac si.

Meyah mikva pandar dom bruk piah pakuran pandik blaoh tagei jeng daok pandik ye njauk brei nao tal sang iek ruak tagei. Kayua tagei pandik dui suai atah ngak kan kandah biak rilo tal raidiuk di mikva.

Piah taga ieik ka tagei tuk halei jang khang kajap, mikva brei nao pasang iek ruak tagei 6 bilan sa mbang. Bruk bhian pasang iek tagei daong pacang caga pandik tagei saong dom ruak karei hu pambuak tal tagei./.