Nao tabak nao takai masa waktu malam biak siam ka pahat rup min njauk dalau takik di nyu meng 60 - 90 minit meng hu siam. Tukvak siam abih di nyu dalau 1 - 2 mong dalam masa meng tuk jam 19 - 21.

Tui taong yaom roh duah mboh pandiak dalam rup manuac tagok tuk pahat pasram jeng ye njauk brei hu meng 60 - 90 minit piah nyu gilac mai yau bhian. Manei, rao hacih rup biak siam brei ka rup pabhap hu prein yawa. Dom janih pahat pasram yau ye nao tabak nao takai malam oh njauk brei pachreih, kayua nyu mada ngak ka rup pabhap glaih glar kayua tuk ini rup khin padei glaih. Bruk nao tabak nao takai jeng ralo tamuh jhak ba mai ka jalan pruac mbang huak, nyu mada ngak bala ka pruac hatian.

Caik hatai tuk dalau si khin pahat pasram rup dahlau si nao tabak nao takai, siam ralo brei ka urang bahrau pahat rup brei ka gah ini. Brei uak rup pabhap dalau daong ka manuac mbuan si mek bruk brei ka rup caga pabhap ka ralo talang mek tame bruk pahat rup dahlau si tame tuk nao tabak khang.

Siam kein di nyu dalam bruk nao tabak nao takai malam: Hadei di kayua ralo bruk katang glaow akaok, nao takai nao tabak ngak brei sangka glaow akaok jeng ye brei patagok prein yawa. Kayua yau nan ye ralo kein ka rup thaik.

Madeih page piah nao tabak nao takai oh mbuan haong ralo urang, yau nan ye nao tabak nao takai malam jeng sanang brei ka ralo urang jar war. Nao tabak nao takai oh cang madeih awal, jeng ye khik hu bruk pasram pahat rup yaok harei. Bhian ralo urang pahat meng masa tuk 7h malam brei ka rup drei.

Ndih hu bingi jang: Ndih njauk kadha mboh siam, rup pabhap khin padeih padei. Ndih oh bingi, ndih oh ganap mada ngak cuang ka rup thaik. Nao tabak nao nao takai yaok malam mada ngak ka drei ndih bingi, saneng oh katang glaow akaok atau yau kateik geik.

Patrun teik trak rup hu siam: Mayah khin brei ka rup drei trun teik ka njual njac jang ye njauk brei pasram pahat rup ka njauk lagaih. Langiu brei mbang mayum ka siam ye jeng njauk pasram pahat rup saik mada siam takik di nyu labaih mateh 50% brei ka patrun trak damak teik ka rup pabhap. Siam di nyu njauk nao tabak takai tuk malam hadei di mbang huak 60 minit. Gam tui di nan khik ka ganap bruk patrun rup saik lagaih tui gru jru mbang huak pahat rup.

Siam ka jalan mbang huak dalam hatian: Nao tabak nao takai hadei mbang huak malam njauk lagaih. Pahadar hadei di mbang huak malam blaoh hadei di 60 minit meng pasram pahat hu. Gauk mada mboh siam ralo tuk padeih padei tapa malam, kayua kaya drei mbang hu brei lai dalam tung njauk cara.

Patagok jalan caga brei pakhang ia pacang jit: Nao tabak nao takai tuk malam daong hu kein laba ka rup pabhap. Ia jit khik prein ka rup pabhap khang kajap karo ralo, rup pabhap khang jang. Rup pabhap di manuac urang hu prein ralo piah pacang caga ka prein yawa.

Siam ka darah hatai baoh: Tui gru ilamu lac hu labaih 30 minit nao tabak nao takai dalam yaok harei mada daong brei ka rup pabhap caga hu ruak brei ka darah baoh hatai tal labaih 30% tamuh ruak. Pahat baoh patih brei ka rup thaik ngak ka darah dalam rup pabhap nduac pabak siam lagaih jang, jeng ye caga hu arak ring dalam rup jeng hu siam. Yau nan ye kakei brei ka urang taha njauk caik hatai tal bruk nao takai bhian piah ka rup pabhap, arak ring, hatai darah lagaih siam ka rup saik./.