Gru jru Trần Duy Hưng brei thau, hatai caong pablei salih, jirah rivang, raya pesta jaik Tet Nguyen Dan glaong tagok ngak mbuan njom mbak ruak dom, ruak ndik baoh sởi, rubella, Covid-19... Uranaih, urang praong thun, njauk ruak karei di drei atau prein caga ruak oh daok kajap, mbuan si njom ruak. Kayua yau nan, mikva brei khik pandiak di dalam rup pabhap, menyum ia pandiak, pasram padhih rup saih, ndih hu ginup daong paglaong prein yava, trun bruk mbuan njauk ruak thuak yava tuk langik la-an katuak.

Khik pandiak rup pabhap: Langik la-an ngak ka jalan darah dalam kalik ndaoh gilac, ngak ka darah nduac dalam rup takik gilac, tal labar pacang khik niêm mạc jalan thuak yava thu, ngak kurang prein caga ruak. Ini ieu lac ngak brei kein lagaih ka dom janih virus, anek ruak, bamao mbuan njom tame idung, pabah saong ngak jeng ruak. Yaok urang brei khik pandiak idung, pabah, takuai, tada meng bruk cuk ao takuai glaong atau me-aom tanyiak di takuai. Amaik ame brei caik hatai ka bruk uak ia hauk ka uranaih piah patakik bruk ia hauk njom tame rup. Srap gap pandap paghang pandiak atau gaok paghang piah ngak pandiak dalam sang. Oh cuh pui meng njuh, hadeng dalam labik kandauk piah plaih bruk mblung thak.

Menyum ia pandiak: Menyum ia pandiak saong riak ia chom piah peih lagaih jalan thuak yava. Langiu di nan, pandar ia la-an mbuan ngak ka niêm mạc jalan thuak yava ndaoh gilac atau barah bong tagok, ndaih nem darah, virus, anek ruak mbuan njom tame ngak jeng ruak. Gru jru dokter Hưng pachreih urang praong brei menyum labaih 2-3 lít ia yaok harei, rabha jeng rilo mbang.

Pasram padhih: Pasram padhih rup saih labaih 20-30 minit yaok harei ngak ka rup pabhap khang kajap, jalan darah mbuan nduac, tagok prein caga ruak. Beik rup pabhap khik njauk kilo di drei, trun bruk njauk lamek lamak cak bhi, pacang bruk dang thuak yava tuk ndih…

Parilo njam patam hijao: Bruk mbang huak siam mekre, pasiam dom janih mbang huak brei ka rup pabhap ka prein yava, pacang caga brei ka ruak kik pandik harai. Pandap mbang dalam puac thun rilo min oh njauk pandap mbang halei jeng hu janih siam saong hu siam ka rup pabhap. Brei mbang baoh kayau that, njam hijao hu rilo vitamin C daong pacang khik rup pabhap pacang caga hu dom janih jhak, janih njom nerak tachauk, trun bruk njom ruak jalan thuak yava.

Ndih ginup: Roh duah mboh lac: kurang ndih oh hu prein pacang caga virut ka rup pabhap brei ka rup saih. Roh duah brei thau ndih oh ganap 5 tuk, jam mbuan ruak la an tagok 4,5 mbang dut tui urang ndih ganap 7 tuk jam. Urang ndih meng 5-6 jam tuk yaok malam mbuan laan glaong tagok 4,2 mbang. Piah daong caga siam prein ka rup saik urang praong njauk ndih ganap meng 7 jam tuk tagok yaok malam.

Khik hacih sa-at: Piah caga njom ruak di dalam dom harei Tet, yaok urang brei khik hacih sa-at rup di drei saong labik daok hu hacih sa-at. Uak, bah dhun mun di dalam sang; bhian salih khan ao patan ciu lang, papah khan pambang. Ngak hacih sa-at dom pandap hu rilo urang pandar yau gai pan peih kareik pambang, gai pambak lanyal sang, remote tivi meng ia jru pametai anek ruak.

Khik hacih sa-at rup pabhap, pabang mbaok tuk tabiak truh di sang, tuk tabiak jalan labik hu rilo menuac urang atau gaok daom urang patuk, pandiak rup, haok ia idung…

Plaih atah thak pakao: Njuk pakao atau cum gaok thak pakao jeng meda ngak ka phế nang lahik bruk di nyu, phổi ganik, lông mao khan, janih labar saong saong janih jhak kandaong dalam phổi. Njuk pakao atau cum thak pakao suai ngak kan thuak yava, patuk dui atah, ngak mbuan gaok barah phế quản, barah phổi.

Klauk caga vaccine: Klauk vaccine ieu lac sa janih cara pacang caga njom pambak ruak thuak yava. Urang hu klauk vaccine hu prein caga ruak, ngak ka rup pabhap ba tabiak prein caga dom janih ngak tamuh ruak yau virus ngak barah tarakaong, lagah la-an, virus ngak ruak kum, virus ndaih baoh, mbang baoh sởi, rubella./.