Alak manyum tame mbuan si ngak kan kandah tal arak thuak yava saong riak darah nduac dalam rup, kayua yau nan ye mayah menyum alak rilo meda ngak kan si thuak yava jeng ye jalan darah nduac dalam rup. Pandiak dalam rup mbuan si trun, baoh hatai mbuan si dang, saradang dalam darah meda trun biar, ganap brei ka ariak dalam rup ndaoh magei.

Dahlau abih mikva njuak thau krein ka alak Ethanol saong Methanol

Methanol ieu lac sa janih alak mbuan si mboh, nyu njual, mbuan si par ia, mbuan kurang, oh hu sambo bar, mbuan khuah apui, mbuan si brai dalam ia, sa janih ia mbau karei haong mboh yamen jang dut haong Ethanol (alak menyum).

Alak hu Methanol glaong kayua hu lai pablah ankol kong nghiep atau pamuluk ia kayau. Alak bhian hu ngak meng brah atau saradang phun kabau. Tuk nyu ndik ia tapai, kanjah di nyu brai lai jeng Methanol. Rilo alak pablei tabiak di darak pasar ngak yau nan.

Methanol la-an jang dut haong alak. Urang ngak alak bhian pandar ankol thu rak alak, tuk lai alak (meng ankol) atau rak alak jru piah ngak ka alak tabiak ka drah samar jang, hu mbau alak jang, bo oh thau ngak habar lac ba jru mek Methanol tame alak. Methanol oh njauk lac janih piah mbang huak, kayua yau nan ye bruk pandar dom janih alak hu ia Methanol glaong tapa tanut brei (tanut brei gap ieu lac <0,1%, lac dalam 1.000ml alak ye hu mala 1ml Methanol) meda mabuh ia jru mek Methanol.

Dom janih maong mboh mayah njauk ia jru mek alak

Jru mek Ethanol

Ethanol katek geik ariak akaok, ngak patrun dom talei arak nơron. Kayua yau nan ye, meyah menyum rilo alak ye ngak ka mebuk, given mek alak dan mbuan si bala ka prein yava.

Jru mek dalam ia alak meda tamuh ruak drah capat jeng ye ruak dui atah tu manuac bhian menyum alak rilo atau takik.

Jru mek drah capat: Barau mayum tame mboh chreih chrai dalam rup mboh palageih (mboh ndom mayai rilo, tangin kakai mblung mabuk srau kadau). Tangin kakai weih trun tagok oh daok biasa arak talang laman lamuac trun, glo akaok saneng Sanai oh daok dah krah, lahik bruk pataom tame sahaneng. Arak darah dui cadu, darah trun, mbuan si metai.

Jru mek trak dui atah ruak: Menyum alak suai atah mada mbuan si liwang lawaih trun kilo, khut taibaoh, pruac taha pruac mada tung hatian, kalik hijao kayua kurang darah, kurang gan, xơ gan, mbuan si tamuh kanse baoh gan, oh hadar bruk, kateik drei; mblung mabuk dalam glao akaok.

Jru mek Methanol

Tuk camareip mboh dreih yau jru mek Ethanol, hadei di nan (bhian meng 8 jam tuk mayah manyum njauk Methanol hu Ethanol biasa sa bhian bhian daok mayahhu hu Ethanol mada dui atah mbiah mboh meda suai hadei meng 18 - 24 tuk atau suai jang) thuak yava drah, thuak yava dalam, bang meta (maong sa mboh dua, maong mboh rilo asar, mboh aoh atah cadu asar mata, mạch samar arak darah ndaoh samar drah, trun darah, ndaoh rup, takik me-ik, vô niệu kan, mbuan si metai.

Panuac kakei di gru jru

Piah caga jru mek alak ye brei menyum dom janih hu thau mai meng halei, angan pandap cambaih laih, hu tem brei pablei di dom jabat karja.

Oh menyum alak urang riak taeng, alak tram haong hala, agha phun kayau, anek athur… oh thau tram meng hagait, mai meng halei, menyum tame brei ka hagait.

Juai menyum alak hu Methanol >0,1%. Oh menyum alak rilo. Siam abih lac yaok urang njauk menyum 1 sit alak/harei. Cambaih laih lac menyum 300 - 350ml mbia (nồng độ 4%), 150 - 200ml alak sam panh (nồng độ 11%), 50ml alak hu sambo bar (nồng độ 17 - 20%) saong tok menyum 25ml alak kaok (nồng độ 35 - 40%).

Oh menyum alak tuk lapa tian.

Oh menyum alak gam haong dom janih ia hu gas.

Oh menyum alak tuk daok pandar dom janih jru yau ye: Jru ariak ring glao akaok, jru palageih hệ thần kinh pasak, jru, jru trun darah, jru trun jalan darah, dom kapul caga Cephalosporin, kapul Phenicol (Chloramphenicol), kapul Azol (Metronidazol, Ketocanzol), jru caga pandik barah oh hu steroid rai klak (Diclofenac, Ibuprofen...).