Tui dom urang roh duah urak ini, dalam hala drai hu rilo tanin saong rilo asal hu kein lagaih ka bruk iek ruak yau flavonoid, phytosterol… Ini ieu lac dom asal ngak brei padam patrun pacadu barah njom ruak bruk viem nhiem, brei drah bih laka. Asal tanin hu dalam hala drai jeng meda pandar yau sa janih pamatai anek ruak, hu kein lagaih brei ka bruk pacang caga brah viem, pacang caga anek ruak, pacang caga bimao, pacang caga jeng laneh laka di langiu kalik.

Langiu di nan hala drai daok pacang cakak hu men α-glucosidase ngak patrun bruk brei pasalih carbohydrate jeng glucose dalam darah, patui di nan daok pacang caga saong patagok bruk caih menek te bao beta tuyen tuy daong ngak tabiak insulin. Meng nan ngak brei patrun saradang dalam darah tagok glaong, pacang khik darah dalam tulang, pacang caga me-ik saradang.

Dom urang ilamu daok duah mboh dalam hala drai hu asal chloroform, saponin taphia di flavonoid, ini daok ieu lac dom asal pacang cakak oxy mbang khang, meda pacang cakak hu dom gha tu do, pacang cakak hu ruak ung thu.

Tui urang ngak jru Dong y, hala drai daok hu iew haong angan Lãm nhân thụ diệp. Hala drai nyu mboh plak, la-an, nao tame dalam dom kinh Phe, Can, Tung pruac saong hu kein laghaih brei ka pacadu angin, khư phong thanh nhiệt, chỉ khái chỉ thống, padam anek ruak.

Hala drai bhian hu pandar dalam dom tuk manuac urang drei njauk pandiak dom, patuk hu labar, pandik akaok, pandik laghah dalam talang kayua phong thấp, pandik kayua sán khí, dom janih ruak laka lakaih, ndaih ting.

Y hoc di dom labik hu pandar hala drai riak menyum piah mek ruak pandiak dom, ngak brei tabiak aia hauk, atau pandar hala that ba thaok klik, hana pandiak piah tauk tagok labik pandik lagah. Dong y bhian duah paik hala drai, ba pambu thu blaoh ngak jeng hala jru, meda pambuak pagam haong dom janih phun jru karei piah patagok baoh jeng siam mekre dalam bruk taong padam ruak.

Taphia jalan pandar di Dong y meng kan, hala drai daok meda hu pandar tui jalan mbuan mbiah karei yau:

Pahacih tagei cambuai: riak ka nyu jua hala drai, caik la-ar saong pandar caik ngak aia talung pabah talung cambuai, aia riak meng hala drai meda ngak hacih cambuai hacih pabah saong pacadu mbau cambuai. Dom asal hu dalam hala drai jeng hu brei kein laghaih ka ling tagei. Ini lac jalan ngak biak siam daong pacang caga saong taong mek ruak halak mbang tagei, viem brah lin tagei, pandiak cambuai.

Taiy hala drai: Hadei di pambu thu, hala drai meda hu pandar piah rak taiy. Taiy hala drai jeng mbau pahe saong mbuan menyum. Bhian menyum taiy hala drai daong thanh nhiet giai doc, ngak ba siam do am dalam rup pabhap, patrun meneng dom trieu chung di ruak pabiar pacadu pandiak.

Hala drai ngak siam ka kalik: Hala drai meda pandar piah ngak siam ka kalik. Thaok klik hala drai jeng tapung saong luk tagok labik kalik njauk katal kayua biar pandiak meda ngak brei patrun kan daman dalam rup pabhap saong patui khik hu siam brei ka kalik.

Menei atau tram rup dalam aia hala drai. Brei hala bàng tame aia pakandao tram brei ka dom nerak tachauk di nyu tabiak atau riak hala drai mek aia. Pandar aia ini tuk menei gei daong brei padei glaih glar, patrun laghah lagoi saong brei siam ka darah.

Langiu di nan, aia riak meng hala drai jeng meda tram rao, daong mek dom janih ruak kalik, jeng ting, laka lakaih, mek dom janih ruak brah bong viem nhiem di urang kamei…

Hala drai hu biak rilo kein laghaih brei ka pren yava anek manuac min tuk pandar jeng daok caong khin tui rup babhap di yaok urang, hala drai pandar piah menyum jeng tok pandar haong gap takre, menyum biak rilo meda oh siam ka pren yava anek manuac.

Dalam tuk pandar meyah mboh dalam rup hu dom kadha oh siam ye njauk padeih pandar jeng ye njauk nao tal gru jru piah hu brei tacei pato./.