Kopi ieu lac sa janih brei caffeine siam dan haong hu pacang caga oxy mbang tame biak siam mada brei patrun barah atau caga siam saradan dalam darah, lipid, caga khik janih viêm, ung thư.

Manyum kopi hu caffeine atau oh hu caffeine jeng hu pambuak tal ruak ma-iuk saradang type 2 bien jang.

Hu dom roh duah brei mboh lac manyum kopi mada gam haong mabuh ruak Parkinson bien jang. Kopi hu kein raba brei ka glao akaok. Roh duah brei mboh minyum kopi hu atau oh hu ia tea mada hu pambuak tal ruak kurang war dalam akaok hadei di mabuh ruak darah đột quỵ.

Daok Matcha ieu lac sa janih manyum ngak meng tea hijau meng tapung taong tame ia pandiak atau ia tasau. Janih tea hu yaom glaong ini hu ralo kaya caga oxy mbang jeng ye acid amin pambuak tal ralo kein lagaih ka rup pabhap yau ye caga ung thư, pasiam brei ka glao akaok dah krah. Gam tui di nan mada caga hu ung thư pruac đại tràng, ung thư kadung phik túi mật haong ung thư pruac phik ống mật. Minyum matcha jeng hu mada daong ka hadah saneng. Hu roh duah brei thau lac manyum tea matcha mada pasiam brei ka prein yawa brei ka bruk mayit darah nao mai dalam rup ka urang rup trak kilo.

Kuk pasang iek glang brei ka ndapnda mbang mayum haong Ndap nda gah jru cawao Amireka hu khan brei caga urang praong khang kadang njauk takik manyum caffeine tame rup oh ralo jang 400 mg dalam saharei.

Matcha haong kopi hu kein lagaih yau gauk, nyu ieu lac hu caga oxy mbang. Kayu hu caga oxy mbang tame, taong abih dua janih manyum ini hu daong caga ung thư, ma-iuk saradang haong viêm. Nyu daong pasamu gauk di dom gok asal ba tamuh stress oxy tame, mada pambuak tal dom janih ruak suai.

Dua janih kopi haong matcha jeng hu caffeine, mada caga hu glaih glar haong hu prein pahit pasram thể thao. Dom roh duah thau di matcha haong kopi brei mboh lac 2 janih manyum ini mada daong kurang glaih glar mayah pandar rup saih ralo.

Dua dua janih kopi haong matcha jeng hu pauak haong prein yawa rup saih glao akaok. Manyum kopi atau tea, atau meng dua, mada daong pakurang dang darah jeng ye pacang kaok dar.

Dom roh duah thau brei ka kopi haong matcha jeng mboh kein raba brei ka dah krah min tui janih di nyu. Mada yaom lac manyum kopi haong ia tea brei kurang klah mabuh dalam rup min tapi kopi mboh cambac lac jang.

Kayua yau nan ye janih manyum halei siam jang ka rup saih?

Matcha mada kein siam jang caffeine mai meng kopi. Jeng ye mboh caga hu pacadu glao akaok, mada pacang caga oh duh hatai ralo kayua mai meng minyum kopi.

Min tapi, kopi brei mboh mada siam jang brei ka bruk pacadu glao akaok catang, pacaga brei pakurang glaih glar.

Kopi haong matcha ieu lac janih mbuan si tagalok ia acid kayua ia caffeine haong ia pH hu acid. Tapi min, matcha tukik acid jang haong tukik caffeine jang kopi, yau nan ye nyu mada mbuan luan jang kopi.

Matcha haong kopi jeng ieu lac janih brei manyum hu siam ka prein yawa mayah drei mayum nyu gap takre. Min tapi matcha mada siam jang brei ka urang mbuan si ndik ia dalam pruac dalam tung.

Di dom janih thau mbiah mai meng kopi haong matcha ba mai, yaok urang njauk pilih ruak njauk janih lagaih siam brei ka rup drei. Njauk caga brei ka nyu gap ka prein yawa rup drei./.