Jaik abih gauk jeng sahaneng lac pandik akaok rilo kayua mai meng bruk langik salih karei. Nan lac kayua salih độ ẩm, pandiak la-ar, bruk diukrai, labik daok vil var njom nerak, ribuk, ia sua tuh mai…

Kayua rup pabhap oh samu randap haong dom bruk salih di langik tasik, ba mai tal bruk darah pabak tagok glo akok oh tani tanat, ba tal dom mbang pandik akaok meng hanyol tal trak, ngak mboh glaih glar saong kan ciuk.

Langiu di nan dom mbang pandik akaok kayua bruk salih di áp suất khí quyển. Tuk áp suất khí quyển di langiu trun, nyu ngak tabiak bruk karei di áp suất di không khí gah langiu saong không khí dalam xoang di rup pabhap.

Dom urang pandik meteh akaok bhian mboh dom ruak karei yau: taglaoh aok, aok rilo; huac pasang tanrak hadah; bran( pran) takuai saong mbaok; pandik di sa atau dua gah matang (thái dương).

Piah plaih pandik akaok tuk langik tasik salih karei mikva njauk caik hatai ngak yau ini:  

-Kasa: Brei menyum ginup ia: Ia hu rilo abih dalam rup pabhap. Plaih makna pandik akaok ini meng bruk menyum ginup ia. Urang praong khang kadang menyum labaih 6 tal 8 ly ia, samu 1,5-2 lít yaok harei. Menum rilo ia, rilo meng lac tuk tuk langiu di langik pandiak patuh ia hauk rilo. Ia menyum pasram rup pabhap, ia điện giải jeng meda daong khik ia saong khik tani tanat bruk samu điện giải tuk pasram dalam sang.

-Kadua: Juai daok langiu langik pandiak: Dalam dom harei pandiak, mikva brei takik tabiak langiu tuk pandiak glaong catang abih, meng mon 12-tal mon 15 tuk. Meyah tabiak langiu, brei duah labik halui piah takik gaok pandiak.

-Kaklau: Cuk njauk khan ao: Tuk langik pandiak, mikva brei cuk khan ao lapih, laneing. Tuk langik tasik la-an, brei khik pandiak rup pabhap meng bruk pabang tangin, pabang takai, pabang takoi piah plaih gaok langik tasik la-an ngak pandik akaok.

- Kapak: Mbang huak siam mekre: Bruk mbang huak samu, rilo kaya pandap mbang hu rilo ia jeng meda hu kein laba. Pabak kaya pandap hu ginup asar dinh duong.

Kaya pandap rilo magie meda daong trun bruk brei thau saong pacang pandik akaok kayua ini lac chất ngak thư giãn baoh pan. Magiê hu bruk pacang thụ thể pandik dalam glo, caga dom mạch darah ganik ngak pandik akaok. Magiê hu rilo dalam njam katam, ikan, ritak mbong, baoh mbe, patei. Plaih pandar rilo kaphe, ia caiy, alak atau pakao hala kayua ini lac dom makna ngak pandik akaok trak jang.

Kalime: Tram la-an: Meyah mikva gaok pandik akaok kayua pandiak atau mboh pandiak la-an

dalam rup pabhap glaong tagok, brei tram la-an meng ia patau piah ba pandiak la-an dalam rup pabhap mai haong tanut bhian. Dalam dom bruk, menei ia pandiak atau menei vòi sen meda trun bruk pandik akaok kayua salih langik tasik. Tram atau menei dalam wuang ia pandiak ngak mboh cadu jang.

Kanam: Pasram padhih njauk: Ngak megei rup pabhap meda tagok jalan darah nduac, jhul nồng độ dom chất hóa học ngak mboh mbuan ciuk dalam glo. Bruk ini daong pacang dom bruk brei mboh pandik. Nao takai, juak radaih, loi ia lac dom kadha pasram njauk.

Katijuh: Oh pandar rilo jru trun pandik:  mikva tok brei pandar jru trun pandik tui bác sĩ kakei tuk hu mbang pandik akaok trak gam gam saong oh hu brei mboh bruk trun pandik. Bruk pandar rilo jru meda ngak tabiak bruk oh siam oh njauk hatai, ngak rah tabiak bruk “oh siam lagaih” di jru.

Kadapan: Takik duh hatai saong trak damak: Brei duah dom jalan ngak trun duh hatai yau thiền, thuak yava dalam, atau ngak dom bruk yau puac tapuk, pang phlieng, pasram rup bap bhap./.