Sởi ieu lac sa janih ruak mbuan si pambak jeng jit bhian rah tabiak di uranaih, ruak rah tabiak luac thun min tapi bhian mboh rah tabiak di dom bilan la-an, bilan pataih. Ruak mbuan si mbak tapa jalan thuak yava kayua gaok tapak haong ia prah tabiak di idung pabah urang ruak. Ruak mbang baoh mbuan si pambak drah, meda caga cakak padam klaoh hu bruk njaom pambak ruak dalam bol bhap rahra bien halei hu labaih 95% brei pacang hu ruak dalam bol bhap. Jit yaok mbang bhian payeng meng 3-5 thun sambang. Abih tih dom urang oh ka gaok ruak mbang baoh atau oh ka hu pacang jit ginup meng vaccine mbang baoh lac jeng meda hu tagaok ruak tamuh baoh.

Ruak sởi lac janih ruak njuel, min tapi nyu meda ngak ka prein yawa manuac urang mbuan si trun jeng ye mbuan si barah phổi, craoh aih… saong meda trak jang atau metai kayua dom janih ruak tamuh tui. Viet Nam ngak jak jeng danak dak klauk caga peih praong meng thun 1984 tal thun 2012: bruk gaok ruak sởi trun 830 mbang.

Jeng tui bruk pasang iek jit brei mboh labaih 80% urang ruak oh ka hu klauk jru caga dalau. Ruak rah tabiak di dom uranaih oh ka hu klauk jru caga, atau hu klauk sa mbang meng tuk umo 9 bilan, atau hu klauk jru caga min meng makna karei blaoh uranaih oh hu prein pacang ruak siam, atau uranaih hu menek tabiak meng amaik oh ka klauk jru caga dahlau di nan atau oh njauk ruak mbang baoh. Tuk pataom rilo anek naih oh ka hu jru pacang ruak ye ruak rah tabiak. Bruk klauk jru caga di dom tinh bhum atah bayah daok gaok rilo kan kandah kayua puk labik daok praong saong jalan mbak oh hu kein lagaih.

Urang jru gru gah ilamu jit ndom mayai lac, bruk ruak mbang baoh urak ini oh hu hagait ngak duh hatai praong kayua vaccine mbang baoh sởi hu ba tabiak meng rilo thun ini mai. Kayua yau nan ye nan hu rilo uranaih hu pacang jit ruak. Dalam tukvak tapa jit ruak rah tabiak sit, lapih di dom tinh saong hu pasang iek hadei tukvak katut.

Sởi lac Ruak mbang baoh tagok baoh pambak ngak jeng jit praong pambak tapa jalan thuak yava kayua virus baoh tamuh tabiak. Klauk vaccine mbang baoh ieu lac sa bruk caga ruak siam lagaih di abih. Piah caga ruak siam lagaih, uranaih brei klauk 2 mbang jru caga. Mbang camereip hu brei klauk jru tuk anek naih umo 9 bilan, mbang ka 2 brei klauk jru tuk uranaih umo 18 bilan. Oh hu vaccine halei meda pacang khik bih 100%. Meyah uranaih klauk sa mbang jru vaccine pacang ruak mbang baoh tuk umo 9 bilan, tok hu 80-85% uranaih hu pacang jit. Meyah uranaih hu klauk jru vaccine mbang ka 2 tuk umo 18 bilan ye prein pacang jit hu lac 90-95%.

Hadei di tuk tagaok baoh blaoh atau hadei di tuk klauk ginup jru 2 mbang jru vaccine njauk tui harei klauk jru ye prein pacang jit meda khang kajap luac raidiuk. Dom urang ngak amaik njauk brei ngak ginup tui dom tacei ba di urang jakar gah y te tuk ba uranaih nao klauk jru caga ruak mbang baoh.

Uranaih caong khin brei patagok ginup ndap mbang kaya minyum piah pacang caga rup saik lavang lavaih; patagok bruk ngak hacih sa-at pabah, cambuai gei dalah ngak hacih rup pabhap ka uranaih plaih dom ruak karei tamuh tui. Uranaih gaok ruak atau ruak mbang baoh lac brei daok karei, oh nao bac, oh nao tal labik hu rilo urang menuac piah plaih caga njaom mbak tal bol bhap rahra. Urang ngak amaik ame saong urang raong ruak brei hadar ba uranaih nao tal sang iek ruak tuk uranaih tamuh ruak pandiak ndaih baoh saong patuk./.