Ruak tangin takai cambuai rilo meng lac kayua virus ba mai, hu takik biến chứng saong bhian thit ruak eng. Yau nan min, ruak ini jeng meda mai meng dom virus EV71 haong biak rilo biến chứng khang saong meda ngak brei metai.

Ruak tangin takai cambuai rilo meng mboh di uranaih umo ala 10 thun, bhian lac uranaih sit umo ala 5 thun. Uraniah dak sit ye ruak dak trak jang. Min taong abih dom urang halei oh ka hu mbang njauk ruak jeng meda mbuan njaom mbak tuk pan, gaok dom pandap atau mbaok di pandap njaom virus kayua urang ruak gaok tame, min oh njauk lac urang halei njaom vi rút jeng brei mboh lac ruak.

Uraniah mbuan njaom mbak virus saong njauk ruak glaong kayua uraniah hu prein pacang caga ruak takik jang urang praong.

Urak ini oh ka hu jru taong ruak tangin takai cambuai. Tuk njauk ruak, urang ruak brei menyum rilo ia saong meda pandar jru piah pacadu pandiak atau patrun pandik kayua dom labik laka. Piah patrun bruk mbuan njaom mbak, brei khik hacih sa-at saong hu bruk ba tangin tame samar drah di gah y tế tuk urang ruak mboh dalam rup trak damak tagok.

Piah pacang caga, patrun patakik trak damak di ruak tangin takai cambuai tal prein yava, abih di nyu lac uranaih, Cục Y tế kuhria caga, Mintri Y tế hu panuac kakei bhap bini brei ngak dom jalan pacang caga ruak yau ini:

K1. Khik hacih sa-at rup pabhap:

Rao tangin meng sabon mala nding ia nduac rilo mbang dalam harei (kuhria gam urang praong saong uranaih), abih di nyu lac dahlau di tuk ngak pandap mbang, dahlau di tuk brei ka uranaih mbang, dahlau di tok pok uraniah, hadei di tuk nao ruak tian, hadei di tuk salih tã saong rao uak hacih ka uranaih.

K2. Khik hacih sa-at mbang menyum:

Pandap mbang ka uraniah brei hu ginup chất dinh dưỡng; mbang tasak, menyum tasak; pandap mbang menyum brei khik hu hacih sa-at dahlau di tuk pandar (siam di abih lac brei tram, rao meng ia pandiak); pandar ia hacih yaok harei; oh brei uraniah mbang meng tangin, njuk tangin, pabum pandap me-in, oh brei uraniah pandar haong gauk khan tangin, pandap mbang menyum yau ye cavan, panyin, jam, hanoy, pandap me-in oh ka hu ngak hacih sa-at.

K3. Ngak brei hacih sa-at pandap me-in, labik me-in:

Di sang, di nhà trẻ mẫu giáo, dom sang khik iek uranaih brei bhian uak hacih dom mbaok pandap taom gaok yaok harei yau ye pandap me-in, pandap bac, tangin pan pabah mbang, tangin pan takai kanyan, mbaok bàn/ghế…meng sabon atau dom ia jru rao, uak bhian hu pandar.

K4. Pataom mek saong xử lý chất thải di uranaih:

Pandar jaman hacih sa-at, khak, chất thải di uraniah brei pataom veik saong tuh tame jaman hacih sa-at.

K5. Tui iek duah mboh ruak aval:

Uranaih brei hu tui iek prein yava piah samar mboh ruak, brei daok karei, taong ruak meyah njauk ruak, plaih pambak ruak ka dom uranaih karei.

K6. Brei daok karei, taong ruak samar drah tuh tamuh ruak:

Dom nhà trẻ, mẫu giáo, labik khik iek uranaih saong sang hu uranaih mala 6 thun brei tui iek prein yava di uraniah piah samar mboh lac ruak saong ba chip tal dom labik y tế piah hu taong ruak samar drah. Uranaih njauk ruak brei hu daok karei takik di abih lac 10 harei kuhria meng tuk tamuh ruak, oh brei uraniah mboh yau ruak nao bac saong me-in haong dom uranaih karei. Brei daok karei saong ba chip uranaih nao tal dom labik y tế piah hu iek ruak saong taong ruak./.