Bác sĩ Trương Hữu Khanh - Phó Chủ tịch Hội Truyền nhiễm TP.HCM brei thau, anek ruak Salmonella hu dalam dom janih pandap mbang oh hacih sa-at, anek ruak Salmonella jeng bhian hu dalam dom janih pandap mbang yau: ralow menuk, ralow ada, ralow lamo, ralow pabui, baoh menuk ada, dom janih baoh kayau,… saong daok hu dalam dom janih pandap yau: ahar am, ia tasau tapung…  Pandap oh hacih sa-at rilo jeng hu anek ruak ini rilo saong bruk njauk jru mek dak glaong. Menuac mbang njauk pandap mbang hu anek ruak ini bhian mboh yau njauk jru mek karei, bhian taglaoh ta-ok, aih craoh, pandik tung tian, pandiak...hadei di dom mon, trak jang lac nhiễm trùng huyết, hu tuk nyu ngak brei metai.

Duk saong dom anek ruak karei, Salmonella oh lac anek ruak biak jhak ka prein yava, min bruk ini daok kayua prein yava di yaok urang saong jalan langyah tuk camereip, jalan cấp cứu... Meyah caik ka urang njaom anek ruak ini aih craoh, taglaoh ta-ok biak rilo, ba tal lahik ia,  suai ba nao cấp cứu ye biak mbuan metai. Kayua yau nan ye, tuk uranaih yau khin taglaoh ta-ok, aih craoh... njauk samar ba nao tal labik y tế daok jaik di abih.

Tui Pasak Pasang iek saong pacang caga jit ruak (CDC) Hoa Kỳ, anek ruak Salmonella hu duah mboh dalam rilo janih pandap mbang, dalam nan hu ralow menuk, ralow menuk prang, ralow lamo, ralow pabui, baoh menuk ada, baoh kayau, dom janih njam saong daok hu mboh dalam pandap mbang ngak bloh, yau ye bơ asar, ahar am caik tu la-an... Min pandap mbang oh lac jalan duy nhất bo Salmonella mbak tapa menuac. Anek ruak jeng njaom mbak tapa ia nerak, alam môi trường, urang karei saong athur. Athur raong saong athur taom gaok hu di bein athur, labik raong praong, nyaom darak, sang bac saong nhà trẻ jeng meda hu anek ruak Salmonella saong dom vi trùng jhak karei karei.

Dom menuac mbuan njaom anek ruak Salmonella trak yau ye uranaih umo mala 5 thun, urang praong meng umo 65 thun tagok saong dom menuac hu bruk miễn dịch oh khang kayua dom ruak dalam rup (pagap yau ruak me-ik saradang, ruak gan atau thận saong ung thư) atau kayua dom jalan taong ruak.

Piah pacang, plaih njaom ruak, dom bác sĩ kakei brei mbang tasak, menyum ia riak jru. Abih di nyu lac tuk tasak baoh menuk ada, rao hacih kanduh dahlau meng ngak pandap mbang. Njam mbang metah brei rao hacih mala nding ia piah seik abih anek ruak, njauk tram njam meng ia jru tím.

Bhian rao tangin hacih haong sabon, abih di nyu lac dahlau meng mbang, dahalau meng ngak pandap mbang saong hadei di tuk nao ruak tian. Pandar ia pandiak, sabon piah rao pandap, thớt saong mbaok mangaok di dom pandap dalam sang ging.

Khik hacih sa-at alam môi trường, halau ia, pacang ruồi. Pandar jaman ka nyu hacih, pasram nao ruak tian njauk labik, oh pandar khak that piah buh ka phun pala.

Caik karei ralow metah, ralow menuk ada, ikan, hadang saong baoh menuk ada haong dom janih pandap karei dalam yot pandap saong dalam tu la-an. Pandar thớt saong jaluk karei ka pandap panda kaya nong saong ralow matah, ralow menuk ada, ikan hadang saong baoh menuk ada.

Mikva oh caik pandap mbang tasak tame jaluk caik pandap mbang metah dahlau di nan atau tuk oh ka tasak./.