Kadha “Urang iek ruak” adit ini, ThS.BS Trần Thị Mỹ Hạnh, sang iek ruak Nhi Trung ương hu tacei pato mikva jalan langyah saong cấp cứu tuk njauk ula kaik. Kadha vak di Đăng Anh, hu ba tagok báo Prein yava saong raidiuk:

Tui dom chuyên gia y tế, ula jhak kaik hu mboh rilo dalam bilan hajan, meng bilan 4 tal bilan 11 yaok thun. Ula jhak kaik meda ba tal metai saong kan kandah ka prein yava suai lavik meyah oh hu taong ruak njauk. Nan ye, bhap bini njauk paglaong hatai sangka, bhian jah tak hareik hareim, takik nao mai tuk melam di dom labik mbon ceik, labik gluh baok, abih di nyu lac tuk hadei meng hajan blaoh.

Tuk njauk ula jhak kaik, urang njauk ula kaik bhian mboh pandik harao di labik kaik, mboh inem tagei dalam tame, labik kaik sraiy darah kan pacang hu saong nyu barah tagok, pandung ia, mbak praong tabiak vil taom dar labik kaik, meda hu dom kadha karei yau ye meta bhang maong iek oh cambaih, laik puk meta, pandik harao tarakaong, ndom biai kan, luan takhalăc, parin tangin takai, atau handaoh rup saik, var drei jan.

Nan ye meyah njauk ula jhak kaik atau medil lac ula jhak kaik, brei ngak dom jalan sơ cứu njauk yau ini:

- Pachreih ba, oh ngak ka urang njauk ula kaik mboh huac, caik urang njauk ula kaik ndih kandang. Caik labik njauk ula kaik biar jang baoh hatai piah patrun patakik bruk nọc độc njaom tame.

- Rao hacih labik ula kaik meng sabon saong ia sara sinh lý.

- Pandar sa candaih gạc thu saong hacih piah papaok sre labik njauk ula kaik.

- Băng kateik labik ula kaik, băng catang tangin min rapeik tame daok mboh rak darah nduac, oh garô động mạch.

- Pandar nẹp khang piah khik kajap.

- Khik băng ép, oh brei megei takai tangin saong pajeng ba samar drah urang njauk ula kaik nao tal labik  y tế daok jaik di abih.

Khan brei bác sĩ thau ka thaik thaok, sambo màu atau thaot veik drei ula piah ka bác sĩ mbuan thau lac janih ula hagait, piah hu jalan sơ cứu njauk.

Dom bác sĩ  jeng hu kakei dom amaik ame jhui kham merat njuk mek nọc độc di ula. Blac, raih, aik, capat di labik ula kaik. Jhui ngak tui dom jalan taong ruak meng kan atau ieu da-a “thầy lang” mai sơ cứu.

Piah pacang ula jhak kaik, amaik ame njauk caik hatai iek glang uranaih, abih di nyu lac tukvak uranaih daok padeih hè.

- Plaih nao tal dom labik meda hu ula yau ye dom labik hu hareik glaong, mbu kayau sup, lubang hu rilo kiak, patau, labik jaik var ro menuk ada.

- Tuk nao angaok hareik kapal atau bein kayau hu rilo hala thu, njauk cuk takhaok glaong saong cuk capha atah tabiak langiu takai takhaok. Jhui tabiak bein hadei di tuk hajan saong tuk langik sup.

- Oh brei uranaih ndih di mala nền sang.

- Meyah mboh ula, jhui cap mek atau ngak hagait gaok tal ula.

Bilan hè lac bilan ula caih rilo saong jeng lac tukvak uranaih njauk ula kaik rilo, abih di nyu lac di dom labik daok jaik kraong ia, mbon ceik. Dom menuac bhian njauk ula kaik tuk daok ndih angaok nền sang, daok jaik mblang hamu atau dom labik hu menuk ada…/