Ban raya HCM birau hu veik sa urang ruak đậu mùa khỉ daok di quận Tân Bình. Dahlau di nan, biar harei  2/10, urang likei ruak nan umo 22 thun, mai iek ruak di Sang iek ruak nhiet doi TPHCM ngan hong dom ruak dreih yau ruak đậu mùa khỉ. Hu brei mek mẫu urang ruak dut iek, mboh duong tinh haong virut đậu mùa khỉ. Hadei tuk taduan hu khaw tin, Pasak Y tế quận Tân Bình samar pasang iek dịch tễ, vak angan dom urang hu taom gaok jaik urang ruak dalam 21 harei. Dom urang taom gaok haong urang ruak urak ini  prein yawa khang kadang. Kuhria tal urak ini, TPHCM hu 5 urang njom ruak đậu mùa khỉ.

Urak ini Tiền Giang lac sa dalam 21 tinh, ban dalam taneh ia hu tanut manek bier di abih saong mbuan ba tal bruk rahra taha. Urak ini tanut manek di urang kumei dalam umo thun manek di Tiền Giang lac meng 1,7-1,8 anek dalam sa urang kumei, dalam tuk kuhria rah tapa dalam taneh ia lac 2,1 anek  sa urang kumei. Anak bruk ini, langiu di bruk pathau khan, jak ba ye bruk pandar sarak pok mayaom 1 triệu đồng ka dom urang kumei manek ginup dua anek dahlau di umo 35 thun tui Sarak ka 26 di HĐND tỉnh Tiền Giang daok hu pandar biak rilo. Meng thun 2022 tal urak ini dalam tỉnh hu labaih 3.000 urang kumei manek ginup dua anek dahlau umo 35 thun hu pok mayaom.

Sở Pato megru  Bà Rịa - Vũng Tàu birau hu harak tacei pato peih ngak bruk thun bac 2023 -2024 ngan haong bruk pato pakai bangsa takik. Dalam nan, dom Jabat  Pato megru  njuak brei khik tani tanat anek saih bac saong  paglong bruk pato megru  uranaih, anek saih  bangsa takik di dom pakat bac; Paglong asar pato bac di Sang bac  pho thong  bangsa gam bac gam daok tỉnh; Pato bac sap akhar huroh bangsa takik; Pabak tagok sap akhar huroh Viet ka anek saih  bangsa takik. Langiu  di nan, peih ngak Danak dak  pakat negar  patagok kinh te - xa hoi bhum urang bangsa takik saong bhum ceik vaktu 2021 -2030, vaktu I: meng thun 2021tal thun 2025.

Tui kuhria, bilan hajan thun ini di ĐBSCL tok pataom tame dalam bilan 9 - bilan 10 saong meda tamat aval di kreih bilan 11. Kayua yau nan ye, bilan thu thun 2023 - 2024, njom ia mbak tui kuhria lac rahtabiak aval jang dut saong kuhria rah tapa di rilo thun sa bilan. Viện Ilamo Thủy lợi gah maraong negar kuhria mboh lac, abih tih dom hajan thun ini lac labaih 1.350 mm saong kurang labaih 13% dut saong rilo thun. Tui nan, kuhria ka bruk kurang ia taba di sa bhum 66.000 ha di dom tỉnh Long An, Tiền Giang, Bến Tre, Trà Vinh saong Sóc Trăng. Daok di Kiên Giang, Cà Mau rilo meng lac mbuan rahtabiak bruk kurang ia bhum pala drak padai, raong hadang lac labaih 38.000 ha.

Piah khik brei salamat ka bhap bini jeng yau tuai damuai, UB Bhap bini ban sit Tịnh Biên, tỉnh An Giang brei padeih peih dom radaih tagok trun ceik Núi Cấm kayua glut jaleih taneh.  Dahlau di nan, biar harei 3/10, jalan tagok ceik Núi Cấm glut jaleih taneh, patau ngak tayak khut taluy jalan saong jaleih paga pacang lưới B40, jalan mbak nao mai gaok kan kandah biak trak. Tapa duah thau di gah chức năng, urak ini, jalan tapen ceik Núi Cấm urak ini daok jaik 400 labik mbuan ba tal glut jaleih  taneh, patau, mbuan ba tal bala di tuai damuai tuk mai rivang main labik Núi Cấm saong bhap bini daok diuk rai  di bhum taneh ini.

Hãng thông tấn Triều Tiên (KCNA) bahrau ba panuac  khan di Mintri Quốc phòng negar ini, lac Mỹ ngak patagok dom kanjak jhak di hạt nhân, tuk peih bruk pasram mesuh gam gam haong Hàn Quốc saong ba gilai ngầm hạt nhân chiến lược tal negar ini. Gam tui di nan jeng pathau khan meda pacang caga gilac veik haong jalan ngak di quân sự pak Mỹ meng jalan ngak “cagar veik biak catang saong khang kajap di abih”. Triều Tiên jeng hu panuac lên án bruk Mintri Quốc phòng Mỹ ba tabiak jalan ngak quân sự negar, dalam nan maong Triều Tiên lac sa dalam dom kanjak jhak  suai lavik di Mỹ.

Mentri Patagok Bhap bini, Likei kumei, Urang kumei saong dom Nyaom đặc biệt di Tanzania brei thau, meng bilan 7 thun 2022 mbiah tal bian 4 thun 2023 meng blaoh, rajaei taneh ia ini kham merat daong ka jaik 336 ribau uranaih tabiak truh dom labik oh hu salamat, dalam nan hu dom bruk mek uranaih ngak bruk trak jhak abih, pablei salih manuac saong taong paoh uranaih. Dahlau di nan, dom uranaih  njauk urang taong paoh ngak jhak tal prein yawa njuak ndem puac, meng bruk  bruk chap mek ngak bruik trak, taong paoh, mbang huak ndih daok nerak tachrauk saong dom bruk pablei salih manuac.

Takik di nyu 37 urang metai, dalam nan hu 2 urang matain dalam mbang patuh ba tal apui khuah di sa sang mac halang manjek suan hukum pak Nigeria harei 2/10 bahrau blaoh. Bruk halang manjek suan hukum daok rahtabiak biak rilo di bhum taneran Niger hu rilo menyek abih di Nigeria, tuk dom rahra pak bhum kan kathaot kan klaik manjek meng dom jalan nding piah ngak tabiak nhiên liệu blaoh ba pablei duah laba. Jalan ngak ini, meda mbuan jang yau ngak pandiak manjek tamo dalam kadung piah mek nhiên liệu, bhian ba tal metai manuac. Sa urang maong mboh bruk nan brei thau lac, maong mboh rup tau jjhuk di 15 urang di sa labik mblang taneh saoh, vil val lac dom dhar phun cọ njauk khuah saong sa sruh radaih mac./.