Jaik di ini, hu sa uranaih umo 15 bilan njauk ruak di Vĩnh Phúc metai kayua handoh rup pabhap, pandik gilo akaok kayua manyum oresol suan tuk taong ruak. Kadha urang iek ruak adit ini, daa mikva saong taong abih gauk pang panuac khan di bac si ka dom bruk suan tuk lai oresol ka uranaih. Kadha vak hu ba tagok mbao online Vietnamnet.

Tui Bác sĩ Trương Hữu Khanh, Sang iek ruak Nhi đồng 1, TP.HCM saong thạc sĩ, bác sĩ Nguyễn Thị Mai Nhiên, dahlau daih lac bac si di Sang iek ruak Đức Giang, Hà Nội: bruk ngak suan tuk lai oresol ma-mbeik oh kan mboh. Rilo amaik mboh anek oh khin manyum nan ye lai takik ia, rilo tapung kayua saneng lac ranaih oh cang manyum rilo min pabak hu ginup jru tame. Oresol lai suan meda ngak jhak tal rup pabhap kayua labaih atau kurang điện giải. Bruk ini meda ba tal handoh megei rup, var drei jan, baoh tai padeih paoh.

Sa paok oresol atau asal jru hu gah ngak tabiak kuhri kuhria dalam nan hu hadom canxi, kali, natri ka nyu lagaih, kol drei njauk lai ginup tui panuac ieu kakei hu vak tagok ba-ar tauk di paok jru. Tuk manyum njauk lai abih paok, abih  asar jru, mayah menyum oh abih ye klaak, jhui khik piah oresol tapa harei. 

Tok manyum oresol tuk lahik điện giải. Piah thau lac rup lahik điện giải njauk pamaong tame bruk dut iek. Dom urang caong pabak điện giải lac dom urang njauk aih traoh, pandiak dui atah. Urang oh njauk hagait biak takik lahik điện giải.

Pabak điện giải meng oresol lac jalan ngak samar drah abih. Min, bruk pabak chất điện giải njauk biak caik hatai sangka. Tuk mikva mboh ranaih pandiak atau aih traoh bo pabak tame chip điện giải lac oh njauk. Pagap yau pandiak, ranaih manyum jru pandiak, tabiak ia hauk oh ngak lahik điện giải. Tuk nan, mikva njauk brei ka ranaih manyum ia lac ginup. Manyum oresol oh ngak pantrun pandiak bo njauk brei manyum jru patrun pandiak.

Daok uranaih aih traoh hannjul 1 tal 2 mbang oh ngak lahik điện giải. Mikva mboh ranaih bahrau aih traoh bo brei pabak điện giải lac oh njauk.

Dom janih oresol lai blaoh, dalam dom klaok ini  rilo meng lac ưu trương, oh njauk lac oresol janih paok, janih asar. Ini lac thực phẩm chức năng hu angan oresol, oh hu kein hagait dalam bruk taong ruak bo tok lac pabak điện giải ka dom urang mboh glaih glar, hadei di tuk pahat rup. Kayua yau nan ye, dom urang njauk pandar oresol ye oh njauk blei janih lai blaoh caik di klaok bo njauk blei janih paok, janih asar mai lai tui njauk panuac pato tacei di gah ngak tabiak.

Tuk brei ka ranaih njauk aih traoh manyum oresol, amaik ame njauk brei ka anek manyum mbiah mbiah kayua tuk njauk aih traoh, tung pruac di uraniah nyu megei oh lagaih, mbuan njauk kích thích. Mayah uranaih manyum rilo oresol tuk aih traoh, meda ngak ka uranaih nao jaman rilo jang. Kayua yau nan ye amaik ame njauk caik hatai hadei di tuk manyum oresol oh blei ka ranaih manyum veik ia, kayua lac ngak yau nan meda ngak suan tỷ lệ oresol. Takik di nyu lac 1 tal 2 maong hadei, ranaih meng hu manyum ia./.