Bác sĩ Trương Hữu Khanh, dahlau daih ngak akaok khoa Nhiễm - Thần kinh, Sang iek ruak Nhi đồng 1 brei thau, sốt siêu vi lac sa dalam dom ruak bhian gaok, hu mboh rilo dalam dom ruak njaom mbak jalan suak yava. Ini lac ruak pandiak chip kayua njaom virus atau siêu vi trùng. Pandiak siêu vi meda ba tal pandiak tabiak darah, viêm jalan suak yava, cảm cúm atau tabiak ban, hu tuk ngak brei ruak tangin takai cambuai. Ruak bhian mboh di bilan đông xuân atau bilan hajan, tuk langik la-an, lagaih ka virus tamuh tabiak saong njaom mbak.
Tuk bahrau tamuh ruak, uranaih bhian pandiak glaong 38-40oC, pandik akaok, pandik rup saik saong glaih glar. Langiu di nan, daok mboh patuk, dhung phal, kangua dhung, pandik tarakaong, lah mbang, khin taglaoh ta-ok, aih craoh, tabiak mban, katal. Urang ruak hanjul bhian abih eng, oh cang tame sang iek ruak. Min ruak trak atau hanjul daok kayua janih virus, tanut njaom ruak saong tui prein yava di yaok urang. Virus meda njaom tapa jalan dsuak yava njauk ia pabah prah tabiak meng urang daok njaom virus patuk atau dhung phal, mbang atau menyum pandap njauk njom virus; njauk côn trùng hu virus kaik.
Tui bác sĩ Trương Hữu Khanh, urak ini urang ruak jalan suak yava daok tagok rilo, abih di nyu lac uranaih. Makna lac kayua langik tasik di dom tỉnh gah meraong oh siam, oh lagaih, daok dalam bilan thu min daok hu hajan, melam haong mesup la-an, pandiak di tuk jala.
Piah pacang plaih njom siêu vi, amaik ame jhui brei anek naih nao jaik urang ruak, khik ấm, khik hacih sa-at mbang menyum, labik daok laneng, hacih. Rao tangin dahlau meng mbang, hadei di tuk meng gah langiu mai sang atau nao jaman, ruak tian, kayua tangin lac labik pan, gaok rilo labik mbuan hu virus. Cuk pataih pacang mbaok piah pacang caga ia pabah prah tame. Pabak pandap mbang hu rilo dinh dưỡng piah patagok bruk miễn dịch, pacang veik bruk njom mbak virus.
Taong ruak pandiak siêu vi iek tui tanut pandiak gam haong dom ruak nao gam. Trun pandiak ka uranaih meng menyum Paracetamol liều 10mg/kg yaok 4-6 mon piah plaih pandiak glaong, handaoh rup saik, uak rup meng khan la-an, uak thu ia hauk, ndih labik lahei, cuk khan ao lapih. Brei ka uraniah menyum rilo ia saong pabak điện giải meng menyum oresol (sa pok oresol lai sa lít ia, menyum dalam harei). Menei meng ia pandao ka uranaih, tanjoh meta, tanjoh dhung meng ia natri clorua 0,9% piah plaih hu rilo vi khuẩn jalan suak yava, brei uranaih mbang dom pandap mbang mbrang, mbuan ralai.
Bác sĩ Trương Hữu Khanh kakei lac, ngan saong uranaih sit mala 2 bilan, amaik ame ba nao tal sang iek ruak tái khám yaok harei mbiah tal tuk abih ruak, uranaih pandiak labaih 2 harei, gam hu tanut meiah bhong di kalik atau baoh ia di palak tangin, palak takai, rup saik, njauk ba uranaih nao iek ruak chip. Abih di nyu lac, njauk tái khám chip meyah mboh uranaih yau khin ndih, ndih kan medeih, taglaoh ta-ok rilo, oh mbang menyum hu atau klaak mum, kan suak yava, takai tangin la-an, pandik tian, sraiy darah máu cam, darah tagei, nao jaman khak jhuk... Urak ini, rilo urang ruak nhiễm trùng ba tal pandiak siêu vi meda pacang caga hu meng klauk jru pacang. Nan ye amaik ame njauk brei ka uranaih klauk dom janih vaccine urak ini daok hu yau ye cúm, sởi, rubella, quai bị./.
Viết bình luận