Tui Cục Y tế Dự phòng, mentri Y tế: Ruak cúm A( H5N1) angaok menuk ada lac ruak njaom mbak mbuan ba tal metai lahik kayua virus cúm A (H5N1) saong meda mbak tapa manuac. Ruak ini njaom tapa jalan suak yava, tapa taom gaok haong pandap panda njauk njaom anek ruak, taom gaok saong mbang menuk ada njauk ruak, metai kayua njaom cúm A(H5N1), mbang ralaow menuk ada, kaya mbang hu ngak meng menuk ada oh ka riak tasak. Ruak ngak brei: pandiak, patuk, glaih glar, pandik rup, pandik cơ, pandik tarakon. Ruak rah tabiak samar drah saong meda ba tal metai, urak ini oh ka hu jru piah taong ruak saong oh ka hu vaccine pacang caga ruak ka anek manuac.  

Piah pacang caga jit, ruak cúm A(H5N1) njaom mbak meng menuk ada tapa manuac, Mentri Y tế kakei bhap bani ngak dom bruk yau hadei ini:

Mikva juai mbang menuk ada, dom kaya mbang hu ngak meng menuk ada ruak, metai saong oh thau cambaih asal di nyu; njauk mbang tasak, menyum pandiak; rao tangin meng sabon dahlau di tuk mbang huak.

Oh thik riah, pajeng ba, pablei salih menuk ada saong kaya mbang hu ngak meng menuk ada oh thau cambaih asal di nyu.

Tuk mboh menuk ada ruak, metai ye juai thik raih saong jhui mbang nyu bo njauk khan brei ka karja palei saong jabat thú y di labik nan thau.

Tuk mboh rup pandiak, patuk, pandik cada, kan suak yava hu pambuak tal menuk ada ye njauk nao tal balai y tế piah hu tacei pato, khám saong taong ruak chip.

Rilo menuac huac ka jit cúm A (H5N1) nan ye padeih mbang baoh saong ralaow menuk ada, bruk nan njauk halei oh saong hu ginup piah pacang caga cúm menuk ada njaom mbak tapa manuac halei oh?  

Jalan ngak ralaow menuk ada saong baoh: Piah khik siam mekre oh njauk dom ruak mai meng pandap panda kaya mbang, mikva njauk ngak tui dom panuac kakei ini meng Cục Khik iek pandap panda kaya mbang saong Jru cavao Hoa Kỳ piah xử lý saong ngak tasak njauk jalan ralaow menuk ada saong baoh:

Rao tangin meng aia pandao saong sabon takik abih dalam 20 minit dahlau saong hadei di tuk ngak pandap pada kaya mbang.

Rao hacih gai kacaoh, panjin jaluk, pandap panda saong mbaok kapan meng aia sabon pandiak hadei di tuk caga ngak yaok janih pandap mbang.

Neh ralaow menuk ada metah saong baoh tabiak truh pandap panda kaya mbang karei. Pandar sa mbaik gai kacaoh ka pandap panda that metah saong sa mbaok gai kacaoh karei ka menuk ada daok metah.

Oh caik pandap mbang hu ngak tasak blaoh tagok jam dahlau di nan hu caik ralaow metah, kuhria gam ralaow menuk ada atau baoh, meyah khin caik yau nan ye jam hu rao blaoh meng aia sabon pandiak.

Tuk baoh tal tuk hatai bhong saong hatai mbong dalam baoh nyu khang gilac.

Pandar nhiệt kế thực phẩm lac jalan ngak siam di abih piah brei thau lac dom janih pandap mbang hu baoh saong ralaow menuk ada hu riak tasak./.