Tui PGS.TS Nguyễn Duy Thịnh (dahlau daih pato di Viện Công nghệ Sinh học saong Thực phẩm, Đại học Bách khoa Hà Nội), janih ahar halei jeng brei thau cambaih dom janih dalam ahar, angan labik ngak ahar… piah ka urang blei eng drei pasang iek, blaoh blei atau oh.

Pagap yau dom janih “màu thực phẩm” hu pandar piah ngak ahar trung thu. Meyah ahar pandar màu thực phẩm hu Mintri Y tế brei adat ye nyu siam jang ka prein yava. Daok meyah kol drei mbang njauk ahar pandar pandap ngak jeng sambo màu pandar dalam công nghệ ngak pandap, lac biak jhak ka prein yava urang mbang.

Dom thun jaik ini, rilo menuac takre blei ahar trung thu yaom lap kayua nyu mbiah haong kadung jien, atau takre ahar trung thu handmade... Yau nan min, rilo menuac ngak ahar daok oh ka thau cambaih gah hacih sa-at salamat pandap mbang saong janih pandap tamo piah ngak ahar. Bruk buh rilo tapa tanut di sa janih halei nan dalam ahar trung thu jeng meda ngak jhak tal prein yava.

Yau nan, pilih ruah ahar trung thu salamat ka prein yava njauk caik hatai tal dom bruk halei?

Dom chuyên gia kakei, piah hu siam ka prein yava, njauk caik hatai pilih ruah ahar trung thu tui dom bruk yau hadei ini:

Pilih ruah ahar trung thu hu labik ngak cambaih laih: Ini lac bruk camereip abih dalam pilih ruah ahar. Yaom lac nyu rilo jien atau takik jien, urang blei njauk maong iek cambaih nan lac janih ahar hagait, Cty halei ngak, gah langiu ahar hu brei thau cambaih janih ngak tabiak ahar halei oh. Daok ahar trung thu meng negar langiu ba tame, meyah oh hu “nhãn phụ” meng sap Việt jeng hu maong lac oh thau cambaih asal di nyu, jhui blei.

Ahar hu vak harei ngak tabiak, tukvak pandar saong daok tukvak pandar: Bruk ini daong ka kol drei thau cambaih ahar trung thu daok siam piah mbang halei oh.

- Ahar trung thu hu pablei di dom labik pablei pabak hu dom bruk gah pablei salih pandap mbang: Ahar hu pablei nan hu ginup pandap pacang thur mur, hajan, pandiak, khik ramik njauk tui tacei pato angaok nhãn pandap di labik ngak tabiak.

- Pasang iek meng meta: Ahar trung thu oh pait pot, kanduh papaok oh tahak, oh hu sambo màu karei, oh tamuh bimao, oh khut saong oh mbau hagait karei.

Tuk pilih ruah hu ahar trung thu siam, mikva jhui var mbang ka nyu njauk jalan, plaih tagok kilo, njauk ruak.

- Rao tangin hacih dahlau meng kaoh ahar, dahlau meng mbang ahar.

- Oh mbang ahar trung thu tuk tian lapa.

- Oh mbang ahar hadei di mon 7 melam.

- Oh mbang biak rilo ahar saong dom janih pandap mbang hu rilo đạm, lamek, saradang piah plaih srau kadau tung pruac.

- Tuk mboh hu hagait oh siam ka prein yava kayua mbang ahar, brei samar nao tal labik y tế daok jaik di abih piah hu tacei pato, daong chip gah chuyên môn.