Kalung pabah meng ia sara mbrang

Tuk njauk cúm, urang ruak bhian mboh rup pandiak, patuk, pandik akaok, pandik talang, glaih glar, pandik  tarakaong saong sre ia idung. Cúm mùa lac ruak oh hagait praong min meda ba tal ruak trak, abih di nyu nan lac dom nyaom urang mbuan ruak glaong yau ye uranaih, urang taha, kumei matian, urang ngak gah y tế saong dom urang daok njauk dom ruak karei. Kayua yau nan ye, bruk iek glang di sang lac hu makna biak praong.

Camereip di abih lac ngak brei idung haci hacih. Bruk ngak brei hacih idung nyu pacang cakak chất nhầy tame dalam idung, ngak brei ruak trak jang. Mikva caik sa anek tangin tagok idung, kateik trun hasit piah pacang sir gilaong idung, bloh suak yava khang tabiak meng gilaong idung daok veik. Hadei di nan mek ia sara sinh lý rao idung piah ka jit nhầy tabiak langiu.

Kalung pabah meng ia sara mbrang. Tuk njauk ruak cúm, urang ruak mek ia sara ấm lai mbrang kalung pabah yaok harei, piah ngak trun manieng bruk pandik harao tarakaong. Ia sara mbrang nyu pametai hu anek ruak saong pacang pandik, barah biak siam.

Manyum rilo ia pandiak meda ngak ralai labar, takik patuk saong patrun pandik tarakaong. Langiu di nan meda pabak tame dom klaih laya atau ia danko saong kruac aik haong ia pandiak. Ruak cúm  ngak ka rup pabhap lahik ia, nan ye mikva njauk pabak ginup ia ka rup pabhap atau manyum rilo janih ia điện giải.

Pandar tinh dầu tràm, bạc hà… lac biak siam dalam bruk pacang caga saong taong ruak cảm cúm. Luk hasit tinh dầu tame labik mala idung meda ngak brei lahơi idung,  ngak ka idung takik pandik.

Uh pandiak atau laar vil val labik gar idung meda daong ka idung mbuan suak yava. Uh pandiak meda ngak brei trun pandik di idung saong ngak ka tal jit labar dalam idung mbrang jang, daok uh laar meda ngak ka dom rak darah di labik idung co veik, daong trun pandik samar drah.

Som hala. Piah ka jalan suak yava hu mbuan, langiu di manyum jru prang, tuk njauk cúm mikva meda riak sa gaok ia hala, dalam nan hu: hala kreim, hala plang, hala kruac bhung, tía tô, ngải cứu, hương nhu, bạc hà.... piah som. Min oh som rilo mbang dalam adit.

Tuk njauk cúm, urang ruak njauk daok karei, plaih atah dom urang siam, takik di abih lac 5 harei hadei, abih di nyu nan lac dom urang hu prein pacang caga ruak bier saong mbuan njom pambak ruak cúm. Tuk tabiak gah langiu, urang ruak njauk cuk pataik y tế pacang mbaok, plaih njom mbak ruak ka urang karei./.

Urang lang: Thu Thao – 11/08