Tui Gah Y tế Dunya, sara bo sa urang praong meda mbang dalam sa harei lac 5g. Sa hanui 5g sara hu 2.000mg natri, samu haong sara njauk pandar dalam harei. Rilo menuac sahneng lac bruk mbang takik sara lac bruk kol drei njauk caik hatai jang tuk taha, Min dom chuyên gia dinh dưỡng mboh lac, urak ini dom pandap mbang samar, pandap ngak blaoh, pandap mbang me-in, dom sara mbang ka uranaih urak ini jeng biak rilo saong suai lavik meda ngak brei mbuan njauk jang dom ruak mạn tính.

Tiến sĩ Đỗ Thị Phương Hà - Viện Dinh dưỡng Negar brei thau: mbang rilo sara mbuan ngak brei tagok darah, ung thư dạ dày, đột quỵ, tai biến rak darah glo akaok, lamin talang saong rilo ruak karei oh siam ka prein yava. Nan ye piah khik caga prein yava, mikva njauk takik veik sara mbang meng di tuk pilih ruah pandap mbang:

Pilih ruah pandap mbang daok tamo, oh ka tapa chế biến saong mbang rilo njam patam, baoh kayau: Bruk mbang huak khang kadang ka prein yava sang drei lac pandap pandap tamo asar, takik chế biến saong mbang rilo njam, rilo baoh kayau. Dom pandap mbang ini bhian takik sara jang duk haong pandap ngak blaoh. Pandap ngak blaoh bhian hu buh sara tame dalam tuk ngak. Nan ye siam di abih tuk nao blei pandap mbang, dalam yot di mikva njauk hu 40% lac njam saong baoh kayau.

Pasang iek cambaih laih nhãn pandap dahlau si blei: Mikva caik hatai pasang iek dom pandap meda mboh lac sara hu rilo atau takik karei di gauk di dom janih pandap dreih gauk, Njauk caik hatai jang tal dom akhar haroh brei thau ka dinh dưỡng hu tauk tagaok yaok pandap saong pilih ruah pandap mbang hu natri biar di abih.

 Oh caik sara haong ia sốt mbak di labik mbang: Jhui caik dom klaok gia vị haong ia sốt di labik bàn mbang piah plaih bhian randap buh sara tame. Ia sốt traong ndaiy, mù tạt, ia sốt ralow cuh, tương ớt saong nước tương jeng hu rilo sara. Bruk bhian randap dalam mbang menyum nyu samar hu di uranaih. Meyah sa uranaih bhian mbang mbak tuk daok sit, praong tagok nyu meda takre mbang mbak.

 Pandar dom janih thảo mộc, gia vị, tỏi saong cam quýt salih ka sara: Yaom lac jaik abih dom sara kol drei mbang mai meng pandap ngak blaoh saong tame paok, min mikva mbuan pabak tame rilo pahe bingi karei ka var mbang di drei meng dom janih thảo mộc, gia vị saong cam quýt, ia xốt saong giấm salih ka sara. Lavik lavik harei, buh tame hasit sara tame pandap mbang drei takre saong salih tapa thảo mộc, tuk mbang drei meda mboh bingi cambuai tui tukvak.

Takik veik bruk mbang ralow ngak blaoh, ralow ta-ơ thak pui saong pandap mbak: Dom janih ralow hu chế biến yau ye giăm bông, xúc xích, ralow lamo tame hộp, ralow menuk ta-ơ thak pui saong ikan ta-ơ jeng hu rilo sara. Siam di abih lac takik veik sara mbang saong takik mbang pandap mbak, ruah blei rilo pandap daok tamo, takik chế biến.

Kayua 70 -80% sara dalam var mbang di kol drei hu buh tame dalam tuk ngak pandap mbang saong tuk mbang, nan ye njauk patrun patakik sara saong gia vị hu rilo sara dalam tuk ngak pandap mbang saong tuk mbang. Siam di nyu, eng drei ngak pandap mbang di sang piah pasang iek dom sara mbang, hu siam di abih. Piah cakak trun sara mbang, eng drei njauk ngak pandap mbang yaok harei di sang salih ka bruk blei dom janih pandap mbang  hu ngak blaoh./.