Cuh manyek ngin: Pandar mac som manyek pateok jamaok meda hu  siam lagaih jang duk haong dom janih jru pateok jamaok bhian mboh, kayua manyek ngin hu ngak meng dom janih phun hu prein pametai anek ruak meng langik tasik. Mikva meda pandar mac piah som par tabiak dom janih mbau pahe yau ye bạc hà, kanduh karuac bung, manjek plang,... par tabiak, jalan ngak ini gam ngak mbau pahe bingi ka baoh sang saong gam pateok jamaok biak siam lagaih.

Cuh kanduh quýt, kruac bhung Quýt, karuac bhung, kam,.. lac dom janih baoh kayau bhian hu mbang rao cambuai. Kanduh quýt hadei di tuk mbang blaoh, mikva njauk mek pabu thu. Hadei di nan, ba tame bilik, labik hu rilo jamaok saong mek dil cuh. Janih limonene hu dalam manjek quýt lac janih meda ngak ka jamaok plaih atah, mikva jeng meda sah kaduh quýt tapak tagok dom labik kalik bhian njauk jamaok kaik, yau ye takai, tangin, ngak yau nan jamaok oh mai  jaik.

Puh ramik hacih labik daok: mikva bhian puh ramik labik daok, ngak hacih mblang bein saong vil val baoh sang. Dalam tuk puh ramik sang danaok njauk mek mac mek thur mur dalam takai tủ, mala manieng ndih, kik sofa, jamaok meda njauk mac njuk tame saong metai.

Pandar pako ia hu xa bon: ini lac jalan pateok jamaok di anak meta tuk hu rilo jamaok. Mikva caik sa pako sit hu ia xa bon atau ia rao pangin jam di labik hu rilo jamaok, tuk jamaok ndam tame caih baoh, ia kiềm dalam pako ia meda ngak khut, ralai baoh jamaok.

Pandar vợt jamaok: Piah pacang caga dom ruak kayua jamaok, hu biak rilo jalan ngak karei di gauk, pandar vợt jamaok lac jalan pametai jamaok biak mbuan saong salamat di abih. Vợt taong jamaok pandar điện khik piah hu công suất sit, tuk peih, nyu hu ginup prein pametai jamaok saong anek côn trùng. Vợt jamaok hu ngak biak lagaih, salamat ngan haong urang pandar saong oh abih rilo labik caik piah tuk oh pandar, drei meda pametai jamaok samar drah bo oh cang pandar jru mek ngak jhak tal prein yava.

Pacang pabah mbang meng halam pacang jamaok: pacang pabah mbang meng halam pacang jamaok lac jalan ngak siam lagaih piah pacang jamaok di langiu par tame sang. Pabah mbang halam pacang jamaok jeng daong ka bruk tame tabiak di không khí hu siam jang, oh ngak tachrauk nerak alam môi trường saong oh jhak tal prein yava.

Pateok jamaok meng toi: Dom janih côn trùng, dalam nan hu gam jamaok biak huak pahe di toi kayua dalam toi hu janih allicin, lac sa janih oh kurang hu dalam jru pametai jamaok. Kayua yau nan ye, jalan pametai jamaok meng toi oh lac mbuan ngak bo daok ba mai kein lagaih glaong. Mikva meda thaok klik toi saong buh tame sa pareng sit, hadei di nan caik toi di labik hu jamaok atau sruh jamaok, yau ye dalam jaman, takai tủ, takai mban,.. tuk jamaok mbau tỏi ye nyu par nao atah.

Pandar kat cà phê: Mikva meda pandar kat cà phê piah pateok jamaok saong côn trùng kayua dalam cà phê hu janih diterpenes meda ngak jhal tal côn trùng. Hadei di yaok mbang manyum cà phê pha phin, mikva khik veik kat cà phê caik dalam tu laar piah pataom, hadei di nan, prai kakt cà phê tabiak gah langiu, jaik labik pathah atau caik di dom labik sup palup piah pateok jamaok saong côn trùng.

Pala phun húng lủi: Phun húng lủi langiu di bruk pacang caga danko, klaok, dum, daok lac janih piah pateok jamaok. Njauk pala vil val sang dom mbu húng lủi piah pateok jamaok saong dom janih côn trùng. Mayah dalam sang oh pala phun húng lủi, meda blei sa paok húng lủi, ngak klik, caik di labik dalam sang, takai tủ, bệ pabah mbang tho.. jeng pacang caga hu jamaok dalam 1 tal 2 harei.

Cuh bồ kết: Bồ kết hu maong lac sa janih ngak hacih hu rahra pandar. Thak bồ kết piah ngak hacih alam langik tasik saong diệt khuẩn siam lagaih. Drei jeng meda som bồ kết dalam sang piah pateok côn trùng saong jamaok./.