Diuk hu lavik thun saong kadha praong di abih lac hu prein yava khang kadang tuk umo taha. Dom jalan ngak mala ini lac piah dui atah umo thun tapa, diuk rai khang kadang.

1. Ndih tagok tuk sabuh mesup

Saboh mesup lac tuk biak mbuan njauk dom ruak gah rak darah, abih di nyu lac dom menuac praong thun, umo taha. Nan ye bruk camereip di abih lac pasram rup bhian randap haong bruk dang tagok mbiah mbiah hadei di tuk medeih tagok. Tuk ndih medeih jhui daok la chip bo pik meta saong padeih padei dua klau minit, yar tapak dua takai tangin, blaoh daok la, hadei di nan meng dang tagok saong pasram pahat rup meyah mboh kan daok.

Hadei di tuk ndih tagok yaok mesup menyum sa cavan ia pandao 250ml tuk tian lapa, nyu daong khik caga dạ dày, giải độc, siam kalik mbaok saong pabak ia...

2. Mbang mesup yaok harei

Mbang mesup biak siam, tok pabak ginup năng lượng ye anek menuac meng hu prein yava siam. Kol drei meda mbang hasit tapung saradang, dom janih tapung saradang ini samar ngak jeng năng lượng pabak ka rup pabhap, pabak prein ngak bruk saong bac ta-a dalam harei. Meyah klaak mbang mesup tuk nan saradang dalam darah nyu biar ngak brei mboh lapa, akaok sahneng takik hadah, ngak bruk suai damuai, kan sahneng mboh. 

3. Pasram pahat rup mbiah saong gam gam

Pasram pahat rup pabhap hu daong pasang iek hu teik trak saong siam ka baoh hatai, dui atah umo thun taha di anek menuac. 

Roh duah brei mboh bruk pambuak gauk di nao takai haong dui atah umo thun taha. Dom urang roh duah mboh lac nao takai meng 1 mon tal 2 mon meteh sa adit di 2 atau 3 harei karei di gauk meda dui atah umo tagok jang labaih 6 thun ngan saong likei, jaik 6 thun ngan saong kumei. Min yaok urang yaom lac umo thun halei jeng njauk pasram pahat rup pabhap ka nyu lagaih haong prein yava di drei.

4. Mbang menyum siam mekre:

Salih bruk mbang menyum tui jalan siam mekre meda ba mai rilo kein lagaih ka prein yava. Hadei di umo 50 thun, yaok menuac njauk caik hatai jang tal bruk ramik veik jalan mbang menyum saong patrun patakik naong trak ka rup pabhap. Roh duah brei mboh meyah mbang menyum siam saong hu rilo ratak jang, meda daong dui atah umo thun taha tagok tal 10 thun.

Langiu di bruk khik kajap khẩu phần mbang, ye brei mbang rilo chất xơ, baoh kayau saong njam patam, baoh kraoh. Chất xơ, baoh kayau saong njam patam baoh kraoh meda ngak patrun bruk njauk dom ruak tim mạch, đột quỵ; takik njauk ung thư; patrun bruk mbuan njauk ung thư tiền liệt tuyến… nan ye, brei mbang takik di abih lac 5 janih baoh kayau atau njam patam baoh kraoh dalam 1 harei. Takik mbang pandap hu rilo sara saong menyek, lamek.

5. Ndih ginup saong sangka tal bruk pasang iek prein yava

Ndih ginup lac bruk praong, biak hu yaom ka prein yava. Mikva njauk ndih meng 7-8 mon yaok malam, plaih gom hadah rilo saong sap yava khang. Meyah mboh kan ndih meda menei ia pandao atau puac tapuk dahlau meng ndih, plaih dom janih ngak brei kan ndih atau pasram pahat rup dahlau di tuk ndih.

Langiu di nan, piah diuk hu lavik, dui atah umo thun taha, khang kadang rup pabhap, njauk caik hatai jang tal bruk pasang iek prein yava gam gam. Dom ruak yau me-ik saradang, cholesterol glaong, atau darah glaong meyah hu thau saong taong ruak dak aval dak takik jhak ka rup pabhap. Mikva njauk tangi sua bác sĩ piah khik iek prein yava tapa bruk mbang menyum, pasram pahat rup pabhap atau jru meda daong dui atah umo thun taha./.