Ruak pandik tarakaong bhian tamuh dalam bilan pandiak. Ruak bhian kayua virus ngak tabiak dom triệu chứng dui atah meng dom harei tal dom adit, dalam nan hu gam sre ia idung, patuk, dung pal, pandik tarakaong, pandik akaok… mala ini lac dom jalan eng drei ngak piah ngak trun manieng bruk pandik tarakaong. Kol drei njauk pabak dom pandap panda piah trun pandik tarakaong yau hadei di ini:

- Ia tasau kanjik: Kanjik meda hu janih pacang caga oxy hóa, pacang caga laka saong pametai anek ruak, daong taong ruak dom janih ruak hu pambuak tal jalan suak yava. Ia tasau kanjik atau dom pandap ia manyum meng kanjik lac jalan ngak siam lagaih piah daong ka drei taong ruak pandik tarakaong dalam bilan pandiak. Langiu di nan, drei jeng meda kalung pabah meng kanjik gam haong ia sara ralai loãng piah patagok kein lagaih.

- Ia hani Danko: Ia hani Danko hu dom janih piah pacang caga njom khuan, pacang caga njauk laka, jhul samar bruk pasiam veik di rup pabhap. Kayua yau nan ye, drei meda pambuak gam pandar danka dalam jru yak, ce thảo dược atau pandap ia manyum yaok harei piah taong ruak pandik tarakaong.

- Ce jru hareih: Ce deih yau cei bingu cúc, ce bạc hà, ce laya, ce gha cam thảo… meda daong ngak trun pandik tarakaong. Dalam nan ce thảo dược hu rilo janih pacang caga oxy hóa, meda daong pacang gilac veik haong bruk njauk laka kayua virus.

Langiu di nan, dom janih ce karei hu dom kein lagaih taeng di gauk, yau ye Ce bingu cúc hu dom hợp chất pacang caga laka, meda ngak trun manieng bruk pandik tarakaong saong daong ka drei ndih bingi; ce bạc hà ngak trun bruk pandik tarakaong, pacang caga njauk laka…

- Dom pandap hu kein lagaih siam ka prein yava: Mayah njauk pandik tarakaong, drei njauk mbang baoh kayau saong njauk patam baoh karuac hu rilo chat yau ye kẽm, sắt, vitamin C...

Dom janih ini hu dalam njam Cải xoăn, njam gan cần tây, baoh maong, kruac aik, quýt, bơ, uac, baoh dalim… pandap hu rilo vitamin C paglaong prein pacang caga jit, daong patagok ngak pasiam ka prein yava. Taphia di nan, drei njauk mbang dom pandap mbang yau bu, ia bai yau ye bu manuk, bu ralaow pabui, bu ralaow limo, ia bai manuk, ia bai njam pataom baoh… daong pabak janih ia, pabak ia saong điện giải ka urang njauk ruak, pandiak, glaih glar. Tuk ngak dom janih pandap bu, ia bai meda buh tame laya, kanjik piah patagok prein pacang caga njauk laka, pacang caga virus.

- Manyum rilo ia kayua lahik ia meda lac makna ba tal pandik tarakaong, ngak thu saong ngak laka di takoi tarakaong.

-Drei njauk pabak ginup ia ka rup pabhap meng jalan manyum takik di nyu meng 7 – 8 glah ia yaok harei, pabak ia dalam dalam pandap mbang. Min, njauk caik hatai lac njauk manyum ia pandiak, oh njauk manyum ia laar, ia patau.

- Rao tangin yaok mbang: drei njauk hadar lac rao tangin yaok mbang, kayua janih ruak meda njom pambak tapa atau meng urang ruak tapa urang khang kadang. Oh pandar mac ngak laar biak suai: mac laar (điều hòa) lac pandap ngak laar bhian pandar dalam bilan pandiak. Oh caik kadik par tapak tame rup./.